::+:: صكوك العشق ::+::

فيني حزن يا ارض ماضن تحويه = مستوطن بالقلب ما هو بمسروق
وفيني ضمى لفلان وشلون برويه = والشمس تجهر ولا حولها بروق
يا فاقد احساس الوفى بجملة معانيه = لاهي بدنيا غروبها صارت شروق
لا تامن الايام يلعب بك التيه = هرج العواذل مر حذراك لا تذوق
خل الغلا والكبر والـصد يا هيه = ما بالعمر باقي اعنيه بالشوق
كان الهوى تشريع عالكيف نبغيه = بعدي عزيز وعزتي شامخه فوق
وكان الوفى بيدين طفله وترميه = انا صكوك العشق عندي بصندوق
يا هم قلبي ما بقى شي ترجيه = افرح غناتي جفت دموع العروق