قصيدة مدح في جميع القبائل الذين شاركو في اقبال قبيلة السهول على قبيلة البقوم

المشاركة الأصلية كتبت بواسطة سيف بن مهنا

يالهجوس المردمه مثـل الغيـوم = استهلـي مـدح للـي نايفـيـن
يانديبي قوم واخـذ العلـم قـوم = وصله يـم الرجـال الشامخيـن
قل لقحطـان المعـزه والسلـوم = سعـد منهـو ينتخيكـم مايهيـن
وقل لا بن حثلين فكاك الزحـوم = شيخ سلطان الفخـر والطايليـن
وقول للي من يعاديهـا مهـزوم = حرب ساس الطيب والمعدن ثمين
وقول للعتبـان يـا عـز يـدوم = ياشيـوخ العـز ياقـوم تعـيـن
وقل لفيصل مروياً حـد السهـوم = الدويش الـي يهـز الصامليـن
وقل ليام الي على الطولى هجـوم = الحـرار الـي معاندهـم حزيـن
وقل لحارث قسمهم بين القسـوم = فـوق راس النايفـه متعليـيـن
وقول لبن قويد يالحـر الصـروم = ربعه الـي فعلهـم دايـم يبيـن
وقول للاشراف جاهلها محـروم = نسل خيـر البشـر والزاهديـن
وقل لمن شارك وقدرنا محشـوم = من جميع الناس معنا حاضريـن
قلهم بسـم الزحازيـح القـروم = الذيـاب الضاريـه والساطييـن
عن سهول ترتكي وقت اللـزوم = بالمكـارم والمراجـل فايـزيـن
وعن سبيع اخوانهم سقم الخصوم = فالمواقـف باسهـم لا مايلـيـن
اتقـدم شكـر لرجـال تـشـوم = قدرونـا واقبلـو جـو فازعيـن
قدرونـا واقبلـو يـم البـقـوم = شاكريـن للـرجـال الغانمـيـن
يالله تثمـن خطاهـم يـارحـوم = جازهـم يالله لانـهـم باذلـيـن
باذلين الجاه فـي وقـت اللـزوم = ويالله تحقـق مـراد المسلميـن