جيت وانا فرحتي تسبق كلامي

اسمحوا لي بعد ما اقدم سلامي = حول عشر ابيات شعر وبرتجلها
طقطقة لوحة مفاتيحي أمامي = كنّــها قدامكــــم تعلن خجلها
إسم هالديره ظهر بين الاسامي = وطيبها اللي نعرفه من طيب أهلها
خلّدوا تاريخهم يوم الزحامي = والعرب تاكل بعضها من جَهَلها
لين حلّ الأمن والعيش بسلامي = وكل عوجا ربي بفضله عدلها
كمّلوا ربعي مشاوير الكرامي = وخلوا اصحاب الفشل تشتم فشلها
ما خذوها رميةٍ من غير رامي = طيبهم تحكيه الارض لمن نزلها
شيخهم (عبدالله) القرم الهمامي = شايبٍ لا رام له قمه وصلها
أذكر اني قد نصيته ثم قامي = قومةٍ تطرب ومثلي ما جهلها
طَيب ذات ، وخف نفس ، وفعل سامي = أشهد ان ماللحمول الا جملها
للقبيله كلها مثل المحامي = ميزةٍ ( لإبن وهق ) ربه كفلها
مرحبا يا منتدى ربعٍ حشامي = سلمها عشق المراجل من أزلها
يا محمد يابن عمي يا حزامي = مرحبا بالدعوه وباللي نقلها
من يحبك يا محمد ما يلامي =ما تلام قلوبنا في حب أهلها
جيت وانا فرحتي تسبق كلامي =والقلم كل المساحة يختزلها