| LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
|
| |||||||
طلب ضروري يا أهل الرويضه لو تكرمتم السلام عليكم ورحمة الله وبركاته يا أخوان هل يوجد بديرتكم محل يزين السمك ممتاز أنا شفت واحد جايب سمك زبيدي مقلي كان تحفه بس مامون عليه وماقدرت أنشده من وين فكان السمك تاكله كله مع عظمة حتى فهل يوجد مطعم يصلحه بالطريقة ذي عندكم ؟ ولو فيه لو تكرمتم ممكن تعطوني اسمه ورقمه وهل يوصل للبيت او لا ولا عليكم أمر شاكر ومقدر وياليت اشوف رد |
| |||||||||||
رد: طلب ضروري يا أهل الرويضه لو تكرمتم
ارحب وابشر بعزك مطعم للسمك مختصة مافية الا محل واحد يبيع ويقلي فقط جنب محل الغاز باقي المطاعم ما فيها حد علمي ذاك الزود بس ممكن تجرب لاكن مطعم مختص ممتاز مافية لا بالرويضة ولا حواليها حتى الي يبيع السمك ما يجيب الزبيدي ولا الناجل لانه غالي يمكن صاحبك جايبة من الرياض اتمنى اكون افتك والاخون الي يعرف راح يدلك وما راح يقصرون تقبل تحياتي واهلا بك ضيف وعضو ومشارك في هذا المنتدى
|
| |||||||||||||||||||||
رد: طلب ضروري يا أهل الرويضه لو تكرمتم
ماقصرت يابو خنين الله يقصر عنك كل شر آمين وشاكر ومقدر لك ردك والله ياخوي هذا اللي أستغربته من الزبيدي مايبيعونه عندكم يقولون غالي وماحد يشتريه ولا الناجل ولاحتى الكالي ماري اللي هو الحبار او الخثاق مثل مايسميه البعض مع أنه يوجد ناس كثير تقدر الشي البحري والرويضه ماعليها قصور كبيره أشوفها وتخدم كثير من المناطق فكيف مافيها الا محل واحد سمك تبي الجد أنتم مقصرين ولو طلعت عن الموضوع شوي تحملني وأنا أخوك بس اشوف الرويضه أكبر من القويعيه والقويعيه فيها خدمات أكثر ومدري ليه عموما الله يعطيك العافيه وماقصرت بس المحل هذا ماله تلفون أنشدهم |
| |||||||||||
رد: طلب ضروري يا أهل الرويضه لو تكرمتم
ارحب ارحب المحل والله ما انصحك بة اذا طلعت الرياض مر سوق الخضار والحوم في المرسلات فية الصباح سوق المزارع وجنبك محل سمك كبير تبع واحد من جدة مكيف وفية تقريبا سبع محلات بالصاله والسمك شي والتنظيف شي وعندهم طبخ وقلي وشوي وقدامهم باقي تجار الاسماك الزبيدي الاماراتي جربة روعة والحبار طيب وهو موجود بالرويضة اما عن ديرتنا وانا اخوك العتلة طال عمرك من راسها اذا هو حد تحفر بير واذا هو متاكل يحتاج لمن يسنة او جديد واللبيب يفهم والرويضة مركز والقويعية خادمها طال عمرك كونها محافظة والي مقلل المشاريع والخدمات بالرويضة قبل ثلاثين عام شكل لجنة وخرجت لتحديد مناطق تركز الخدمات وتم اقرار القويعية والرويضة تم اسثنائها بعلم من ادارين الرويضة في ذاك الوقت الله لايحرمنا الجنة ولا الخدمات ردد ياليل ما طولك تبي تبطي وانت بحاجة تقبل وحدي واحترامي واهلا بك مره آخرى |
| |||||||||||||||||||||
رد: طلب ضروري يا أهل الرويضه لو تكرمتم
جزاك يالغالي كل خير وماقصرت يابو خنين عسى ربي يرزقك من حيث لاتحتسب آمين والديرة وأنا خوك تبي أحد صامل يحركها والرويضه نشدت عنها لقيتها لها عمر ماهوب بسيط فأستغرب ليومك هذا كأنها هجره لكن ربك يعين اما الحبار مريت المحل من زمان وقال مايجيبونه لأن ماحد يعرفه ولا يشريه لكن سؤال لو تكرمت دامه موجود اللي موجود الحين سبيط ابيض كبير او الحبار الاحمر الصغير ماعليه تحملني وبعدين ملاحظه ليش بالمنتدى هذا ماتلاقي من يرد عليك جربت كم مره اكتب ووالله ماشفت شي من الردود خصوصا إذا كاتب موضوع يحتاج النقاش ماتلاقي من يرد عليك والله اني اطفش جد من الوضع بساحس مجبر عشاني ابي اعرف وش يدور بالمنطقه اللي اعيش فيها واعذرنا على الاطاله وسلامتك |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مطلوب ضروري | عاشق الكاسر | أخبار الرويضة | 0 | 26-12-2011 08:08 PM |
طلب ضروري | هاااوي | أخبار الرويضة | 10 | 16-05-2011 10:27 AM |
شئ ضروري | محمد | صهيل القصيد | 13 | 17-12-2009 03:10 AM |