| |
14-07-2011, 04:52 PM
| ||||||||||||
| ||||||||||||
أول ألفيه لي بالشعر .... (رثاء)  هذي اول الفيه الفتها وفي جدتي وهي كانت من اغلى البشر علي عسى الله يرحمها وكانت هي الوحيده الي تفهمني من دون جمله من اعيش معهم والخبر لما وصلني كان مع شخص طيب بس يفتقر لا اي اسلوب وكنت راجع من الخرج وصدمني بمكالمته وكتبت هالالفيه بين الخرج ومكانها الي ماتت فيه ممزوجه هالابيات بحرقه ودموع عسى الله يسكنه الجنه وموات المسلمين الألف أألفت الفيه لجل النسيان اطلب فيها الرب عظيم الشأن يرزقنا الصبر ويرزقنا السلوان في فقيدتنا عسى الرب يرحمها والباء بدأ الحزن يخيم بصدري و حسيت بهالخبر توقف عمري مدري اكذب ولا اصدق مدري تخنقني العبره وأنا أحاول اخفيها والتاء تعب فكري من ذكرياته وبتظل بالعقل ثابته لين مماته صوتهاو صورتها منحوته بذاته عسى ربي بفضله وقدرته يرضيها والثاء ثار بقلبي الحزن بالكوم ماطاب لعيني بعد فراقها النوم من قبل اللتجئ لها لا صرت مهموم واليوم وش لي من حيلتن واسويها والجيم جيوش الحزن داهمتني والعبره كلما مني سليت خنقتني وفكرة رحيلها بالحيل ذبحتني ونفسي بعدها عسى الرب يشافيها والحاء حسيت ان الوقت يغتال كل يوم نفس من شتى الاشكال والموت مايميز بين حرمه ورجال عسى خواتمنا رب العباد يحليها والخاء خسرنا شخص بالحيل غالي لو كان بيرجع لنا بسلطه او معالي بذلنا مافوق المستطاع وما نبالي ماينفع النفس مال قارون ولا يحييها والدال دعينا الرب تعالى في شانه يرحمها ويدخلها في جنانه قادر على ذلك ربي سبحانه يجزاها الفردوس على مساعيها والذال ذنبي اني دايم احب الخير واسعى مع الواحد بحسن الضمير واهل النوايا السود لها الف تفسير عسى ربي من مجتمعنا ينفيها والراء راحت جدتي لرب العباد ونفسها مطمئنه ومامعها عتاد الا العمل الصالح ودعوة الاولاد ذكراها بقلوبنا لايمكن نمحيها والزاء زرت المقبره على عجاله وعرفت ان كل حي(ن) لها مئاله والكفن مع اللحد هو راس ماله وهذا عزاي لنفسي في اكثر بلاويها والسين سبحانك يارب الكون عالم بالضماير وبكل مكنون امره يصرف بين الكاف والنون ومخلوقاته بقدرته ربي محييها والشين شانت الدنيا بعيني بعد الخبر وتعبت نفسي من مجالدة الصبر وياليتني موجود بالمغسله وعند القبر كان نظره اخيره لمشاعري تسليها والصاد صورتها بصميم قلبي مرسومه وفرشتها بالمشراق بقلبي مختومه يا (لو) تكفى لاتزيد بقلبي ندومه ترى جروحي بتتعبني وانا اداويها والظاد ظهر السبت مستحيل انساه جاني الخبر وسمعت بخافقي مناداه تدعي بحزنن قطع القلب طرياه يارب طالبك من شر العذاب تنجيها والطاء طبعت بقلبي لايمكن انساك وقلت للعقل مادمت تملك الادراك ماينساك ياجدتي عما سواك ذكرياتك معاها بروحي افديها والضاد ضمدت جرحي ونويت الرحيل وارضيت بماصار وربي نعم الوكيل والحزن صرت اشتاق له شوق الخليل عسى ربي يعيني على الدنيا ومافيها والعين عيني ملت من كثر بكاها ولرب وحده سبحانه مشكاها يارب تحسن لجدتي مثواها دعوة من قلب بيموت وهو مغليها والغين غاب الفرح وحل الحزن بعده وياشين الشي لا صبحت حالته لضده عشان تتعود يالانسان يبغالك مده وتختلف المشاعر على حسب راعيها والفاء في ذمتي للحين ماستوعبت الامر وفي خاطري انه مجرد حلم وبيمر وللاسف صارت حقيقه بتستمر لابد انك يالانسان تعيش بمافيها واالقاف قهر بصدري وربي قمه قهر احدأث اخاف اقولها وتشتهر حقايق ياناس تقصف بالظهر (يامي) خليها للوقت وانسيها والكاف كفايه ضعف ومذله ومجاملات سببت لي في شخصيتي كدمات الردي طيب والطيب ابا الرديات وضاعت الافكار مافيه من يحتويها والام لله درك ياجدتتي فراقك عذاب والله انك لقلبي من اغلى الاحباب بتبقين بالقلب مادام يومي ماغاب حقيقه فراقك مأساه دوم ابكيها والميم ماتت الغاليه وباقي لنا الثانيه في ذمتي ان هاذي وذيك غاليه يارب ارزقني برها بالدنيا الفانيه ياويل من امه ماتت وهو مزريها والنون نويت اقلب صفحه من حياتي وادور لصاحب يفهم معاناتي مشكلتي طيب في اشر الاوقاتي وبديهة الاحرار الاشاره تكفيها والهاء هانت على نفسي صياغه الالفيه لجدتي وهذا اشوفه حق عليه يارب ارحمها واغفر لها الخطيه وضاعف الحسنات والسيئات تمحيها والواو وش عاد باقي يازمن ماعرفناه دروسك صعبه وفهمها معاناه ويلاه على حزنك ياقلب ويلاه وافراحك عفتها ماعاد ابغيها والياء يالبى ما بداخل قلبي من ذكرياته تذكرني بسوالفه وعتابه وضحكاته هي مايسليني منه من بعد وفاته ولو طال الوقت لايمكن يخفيها الفيه الفتها واطلب المولى سبحانه يجملنا في مابدعنا تعالى في شانه ويكتب لكل رفيق السعاده بزمانه يارب نفسي من العيوب تصفيها وسلامتكم 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ملف العناية بالشعر | محمد | الوقاية خير من الف علاج | 20 | 18-04-2009 09:02 AM |
| رثاء ام | الساهر10 | نشيد الروح | 7 | 24-08-2008 07:10 PM |
| أبو طارق ألفيه جديده من قدك | حفيد مجمش | مرفأ البداية وروح التواصل | 20 | 18-05-2008 01:28 PM |
| طرق ووصفات للعنايه بالشعر | الشوق عطري | الوقاية خير من الف علاج | 14 | 16-01-2007 04:08 PM |
 |  |
العرض الشجري
