مغترب عن ديرتي وعيال عمي

مغترب عن ديرتي وعيال عمي ..=في بلادن شعبها يدعس علمها !

يابو راشد : وش تقول ! وش تسمي=ضييقتن تكفى البشر { لو تفتهمها }

ماشحني فـ الغياب وزاد غمي=وحط كبدي لعرضة النار وسمها

ومايكدر خاطري ، ويفور دمي :=غير فرقا [ أمي ] عساني ماعدمها

يابوراشد ، لانويت تروح لامي !=هاك مني ذي الرساله واستلمها :

لي ثلاث شهور وانا كل همي=كيف أحصل لي طريقه { وأغتنمها ! }

ضمّها مثلي ، وهي بتعرف ضمّي=لين يونس مفرق ضلوعك نسمها ..

غيير تكفى .. سمّ واضلوعك تسمّي=وكل شيٍ فيك لاااازم يحترمها

وأرفق بصدرن حليبه كان { جمي=ورد روحـ(ن) حدّها الشرع وفطمها }

وإرضها ، وأكسب رضاي وكف ذمّي=واعتبرني خادمك يوم تخدمها !

وأن دعت "لبيه" ماهي مثل سمّي !=لبّها ، واسمع وصاتي وافتهمها :

مأمّنك بالله يوم تواجه امي ،={ حبّها من راسها لأسفل قدمها }