آسف إن كانك بـ قلبي | إنخذلتي

السلام عليكم ورحمة الله وبركاته



يا حنين القلب واشواقي حزينه
والفرح غادر عيوني من زعلتي

والكلام اللي خفا قلبي ونينه
لـ الدموع اللي سكبتني يوم قلتي

يوم قلتي لـ الفؤاد انك تبينه '
طاحت أغصاني عليك وما سألتي !

أيه ضايق من وجودي والغبينه :
كل ما قلت لك آسف ....
............... .... ما قبلتي

كنت قبلك . . قلب ضايع به حنينه
كنت " شاعر دون شعره "
إن جهلتي !

كنت - ............... .......
....... مينا فاقد فـ بحره سفينه
وحظّ ما قد طاب إلاّ من عدلتي

شوفي دمعي داخل جْفوني رهينه
سبّة اللي من عمايلها عملتي !

كان مدّي لـ الخطا قطعت يمينه
والعذر طبع التسامح ,
لو غفلتي

آسف ان كان المدى ضاق بـ حنينه
وآسف ان كانك بـ قلبي إنخذلتي . .

لـ الغلا تضوي شوارع هـ المدينه
ولـ المحبّة فدوتك ما بي عملتي

ولـ التعاسة حظّي اللي ما يزينه
غير قربك . .
........... وآهـ لو انك فعلتي


كيف احبك ؟! ............... ....
....... ' روح صدري واكسجينه '
يعني أموت بـ حنيني لو رحلتي

| . . مروان الزاهد

الابداع منك وفيك
تشرفت بمرورك
ماننحرم من طلتك وتواجدك يارب
أكاليل الورد لروحك

احرجت تواضعي بكلامك
شهادة اعتز فيها
تشرفت بمرورك
لروحك الورد