| |
16-04-2011, 10:26 PM
| |||||||||
| |||||||||
أشهر ضحايا العشق في نجد ((( من اشهر ضحايا العشق ))) اشعار الرثاء دايما تكون صادقه وذات تأثير للمستمع والقاري على حد سواء وذلك لكونها اشعار تخرج من القلب .. وقد قيل لاحد الاعراب مابال المراثي اقوى اشعاركم؟؟ فقال لاننا نقولها وقلوبنا تحترق... هذا جواب لمن يسأل عن اشعار هذا الوقت مابالها ليس لها تاثير .. والجواب انها لم تخرج من قلب متأثر ومشاعره تلتهب وانما قالها شخص لانه متفرغ فقط لذلك تاتي هذه الابيات باهته ليس لها تاثيرعلى من سمعها,,, انظروا الى اشعار كتبها من مات عشقا او احترقت مشاعره عشقا او حزنا على موت حبيب او فراقه واليكم بعض الامثله: (1)- الدجيماء من عتيبه والذي عشق وتم منعه من الزواج منها وعندما تم تزويجها من شخص أخر وفي ليلة زواجها وجدوه ميتا في فراشه قهرا وهو القايل: يا جر قلبي جر لـدن الغصونـي=وغصون سدر(ن) جرها السيل جرا على التي مشيه تخطـى بهونـي=العصر من بيـن الفريقيـن مـرا ياليتهم عـن حاجتـي سايلونـي=يوم اني اقـف عندهـم واتحـرا ان متت في راس الطويل ادفنوني=عسى نجيع البـدو فوقـي يمـرا وكما ترون مع انها ابيات بسيطه بكلماتها الا انها لذيذه ولها تاثير قوي على المستمع لانها خرجت من قلب يحترق وهاهي بالرغم من مرور السنين عليها لانزال نتلذذ عند سماعها بكل وقت وكأننا اول مره نسمعها (2)-فهد ولد الحضريه من العجمان(وقيل غيره) قصته نفس قصة من قبله(الدجيماء) وحدث له نفس الامر ووجدوه ميتا في ظل شجره عندما زوجوا حبيبته لشخص ثاني فقال قصيده مشهوره بقيت بالرغم من مرور السنين جوهرة من جواهر تراثنا الشعري الاصيل وهي : نطيت لي مرقبن والليـل ممسينـي=بديار غرب(ن) ياعل السيل ماجاهـا اضحك مع اللي ضحك والهم طاويني=طويت شنون العرب لاقطروا ماهـا هبت هبوبن شمال وبردهـا شينـي=ولاتدفي النار لـو حنـا شعلناهـا مايدفي الا حضن مريوشـة العينـي=اليـا رقدنـا ومزيـنـا شفايـاهـا ياعل من لامني يربط علـى دينـي=واتلى حلالـه ذلولـن راح يطلاهـا هذه الابيات نسمعها منذ الصغر ولانزال نحبها ولم نشعر بملل من كثرة سماعها لان فيها روح ومشاعر حقيقيه علما ان هناك ابيات على قافها لشاعر من قبيلة مره تتداخل معها دائما ,,, (3)-ابراهيم الكنعاني والذي عشق بنت عمه (شريفه) وتزوجها وعاشوا بسعادة الحب ولم يمضي سوى سبعة اشهر حيث اصيبت بمرض الجدري المميت والذي لم يكن له علاج وعندما بدأ العد التنازلي لوفاتها صدح بقصيدته المشهوره والتي تملأها الاحزان المختلط بدموع الاسى والوجد وهي ياحمامن علـى الغابـه ينوحـي=ساجعـن بالطـرب لاواهنـيـه قلـت حيـه ولا كنـه بيوحـي=مـر عجلـن ولا سلـم علـيـه روحي روحي بغت روحي تروحي=يوم قيل الغضـي بـان جدريـه كن في ضامري قدر(ن) يفوحـي=او غروب(ن) توامى فـي ركيـه ياشريفـه متـى ودك نروحـي=يـم ديـرة هلـك يالعسوجـيـه قالت اصبر يطيبـن الجروحـي=شهر واحد وهاتـو لـي مطيـه جعل زمل(ن) يبي خلي يروحـي=ينكسر فـي شعيـب الصالحيـه ابيات مليئه بالوجد الصادق الحزين فجاءت صادقه وعاشت على مرور الزمن بالرغم من بساطتها في حين ان هناك ماهو اقوى منها شعرا لكنها اندثرت لانها لم تكن صادقه ولم تشعر بصدق الوجد في طيات كلماتها... (4)-محمد بن عمار المعروف بحايل باسم (ابوخيشه) وهو من اهل (ثادق) تولع بحب فتاة فقرر اهل البنت قتله لذلك امر الامير في ذلك الوقت ان يتم ابعاده عن البلده حفاظا على حياته فأجبره اهله بالرحيل الى (حايل) وفي حايل شاف بنت ماتتغطى بعد عمرها 13 سنه والعجيب انها كانت صوره طبق الاصل من محبوبته اللي في ثادق فهاج غرامه مرة اخرى واصبح يتابعها ولكي لاينتقده احد لبس خيشه على كتوفه كأنه مجنون ولم يلبث ان مات وقبل وفاته قال (الالفيه) المشهوره والتي منها : الف اولـف مـن جـوابٍِ نظيفـي=ودموع عيني فوق خـدي ذريفـي من لام في حـب الحبيـب وليفـي=دقاق رمش العين سيـد الخونـدات خوندات للـي مـا بعـد عاشرنـه=قلـه تراهـن بالهـوى يذبحـنـه قلبي وقلبـك مـن عروقـه خذنـه=عزي لمن مثلـي تعـرض للافـات البا بليت بحب خلـي علـى مـاش=ولاحصل لي منه ما يبـرد الجـاش غديت انا وايـاه طاسـه ومنقـاش=بالوصف كنه يالمعـزي سلامـات سلامـات اللـي كلهـم يذكرونـه=يبي المعـزة بـس ذاق المهونـه يقول طيب ميـر غـارت عيونـه=سبب ولدكم واحـد صابـه ومـات التاء تبعت الزيـن والزيـن مقفـي=امشي وحتفي شايله فـوق كتفـي لاشفـت مجـدول وكتـف وردفـي=ماقوى التفت لو طوحولي بالاصوات اصـوات قالـوا ياهبيـل وسايـح=طرد المقفـي يالشقـاوي فضايـح قلت ماريـد اشواركـم والنصايـح=مثل المطر فوق الطياس المكفـات الثاء ثمانـه حـب رمـان طايـف=او قحويان ٍ في ريـاض ٍ عطايـف متنقـلٍ بالزيـن سيـد العفـايـف=عمهوجة ٍ فيها من الحور شـارات شارات فيها مـن ظبـي الحمـادي=هي لـذة الدنيـا وغايـة مـرادي وان كان راح صويحبي من بـلادي=عليه جاوبت الحمامـة بالاصـوات وقد قال الكثير من الشعراء ( ألفيات ) كثيره لكنها لم تصل لمرتبة هذه فقد جمعت الحب والالم والحكم والامثال وقبل هذا وذاك الصدق الذي لايوجد في الكثير من اشعار الناس,, (5)- عويض النفيعي من عتيبه(وقيل غيره) والذي عشق وحرم من الزواج منها فقال الاشعار الحاره حزنا وألما عليها واشتهرت قصايده عند الناس واشهرها : الا واهني اللي ليا مـن بلـي صبـر=صبورن على الفرقاء لياغاب مظنونه وانا دمع عيني كل ماهل مـن شهـر=هماليل واغضي عن هلي لايشوفونه سقى الله ليال(ن) عشت فيها وانا بزر=وانا دالهن مدري عن العشق وشلونه عسى من منعني منك يالابس الحمـر=يجيه العمى والنـاس كلـه يخلونـه وهي ابيات كانت تغنى سامري في المناسبات واشتهرت على لسان الكبير والصغير,,, (6)- فهد الحمد الغسلان(العود) والذي منع من عشقته لكنه كتم ناره ومشاعره ومنها : واعذابي واعذابي واعذابي مـن عـذاب=عذبن زين الخيال الله يعيـن المستعيـن عذبني عذبنـي بالهـوى تلـع الرقـاب=واودعني واودعني مثل عودن بالبطيـن والثنايا والثنايا كنهن ضيـق السحـاب=والنهود قعود كنه بالوصايف طلع تيـن يوم داره واستداره بالمعانـق والثيـاب=كالقمر يوم يتعمر بس انا وش باليديـن سمي خلي يوم احلي بالجراب عن التراب=وان زعل خله يعله يبي غيري مايبيـن (7)-سعود ابوصلاق الجميلي ( خلوي)0 والذي سطر رائعة الوجد والغزل عندما شعر بعدم الجديه من الانسانه التي احبها قلبه فقال الكثير من الاشعار الجميله والمؤثره ولعل اشهرها على الاطلاق: لاتكاثـر جيتـي يانظـر عيـنـي=الله اللـي جابنـي لـك ومشانـي احسب انك مثل مااغليـك تغلينـي=مادريت انـك عـدو(ن) وقومانـي مااحسب ان لك يااريش العين قلبيني=قلـب مبغضنـي وقلـب يتمنانـي تحسـب ان الله قطوعـن يخلينـي=يوم تكفى الحوض في وجه عطشاني (8)-وعبدالرحيم المطوع التميمي راعي (نقى المطوع)واللي مات بهالموقع وذلك انه تزوج بنت اقل نسبا منه بالسر وذلك لشده جنونه بها ولكنها افشت السر مما دفعهم لابعاده عنها فقال: يقول التميمي الـذي شـب متـرف=مدى العمر ما شيء في زمانه جـاه يا ركب يللـي مـن صحّـي تقللـوا=مـن نجـد للريـف المريـف مـداه رحلنا مـن جـو عكـلا وقوضـوا=علـى كـل هبـاع اليديـن خطـاه طووا بنا الدهنـا والإنسـان مالـه=إلا أن مـا يكتـب علـيـه لـقـاه لقوا جازين فـي دوحـة مستظلـه=حمـاه عـن لفـح السـمـوم ذراه خذوها فلا بالرمح زرقن ولا العصـا=ولا قلطـوا حبـل العقـال عـصـاه غشاها لذيذ النوم والنوم كـم غشـا=من النـاس حـذرن وابتلـوه عـداه فقلـت نحوانـي ومثلـي مثلـهـم=يشكـي اليـا مـن الزمـان وطـاه دعوها بيلن كـود مـن ذي فعايلـه=يجزى علـى فعلـه يشـوف أمنـاه يا شمل يا مامونة الهجن هـو ذلـي=إلى دار مـن يصعـب علـى لقـاه ادقاق حجل أطراف يا ناق وإن طـرا=على البـال زاده مـن عنـاه شقـاه محا الله قصرن حال بينـي وبينهـا=نجمـن مـن المولـى يهـد أبنـاه أبغي الياهـد العـلا مـن قصورهـا=تذهـل عطيـرات الجيـوب حـيـاه يظهر عشيري سالمن مـن ربوعهـا=هـذال مطلـوب الفـتـى ومـنـه ألا عيـنـي اليـاريـت صاحـبـي=جضعيعن لغيـري واحترمـت لقـاه يصير مملوكـن لغيـري ويهتـوي=وساقيـه مـا ينحـي علـيّ بمـاه دع ذا وسل وأيها الملا فـي محلتـم=سرا يفتـح الظلمـا شعـاع سنـاه لا تكـن بأمـر الله تطلـق أركونـه=عزايلـه وصـف السـحـاب أرداه حـوراك تبنـي والذراعيـن زجـن=من الريـح زعاجـن وطـار سنـاه وطا ما وطا واللي محا بعد ما نجـا=غطا ما وطا واللـي وطـاه غطـاه محا ما محا واللي محا بعد ما نحـا=محا ما محـا واللـي نحـاه محـاه عصا ما نصا واللي عصا بعد ما نصا=نصا ما عطا واللـي نصـاه عطـاه وإن كان لي ظن وهاجوس خاطـري=قـد حـال بيـن البازميـن غشـاه من باعنـا بالهجـر بعنـاه بالنيـا=ومن جذ حبلي مـا وصلـت رشـاه إلا قفا جزا الأقـا ولا خيـر بالفتـى=يتبـع هـوى مـن يطيـع هــواه خليلي يشادي خاتم العـاج وسطـه=تقـول انفـرج لـولا البريـم زواه خليلي خلا قلبي من الولـف غيـره=عفـت إلا خـلا والخـدون حــذاه خليلي ولو جا البحر بينـي وبينـه=ذبيـت روحـي فـوق غيـة مـاه خليلي لـو يرعـا الجـراد رعيتـه=أهظلـه مـن حشمـتـه ورصــاه خليلي لـو يـزرع زريعـن سقيتـه=من الدمع وإن شح السحـاب بمـاه خليلي لو يبرز علـى الثـرا ريقـه=إذا سكـر والتاجـر يزيـد شــراه خليلي ولو يطـا علـى قبـر ميـت=بأمر الولـي حاكـاه حيـن وطـاه خليلـي معسـول الشفاتيـن فاتنـي=كمـا فـات لقـاي الدلـي رشــاه كن عن صغير السن حذرن ولا تكـن=دنـو عـن الياشفتـه بـس سفـاه أن كان ما جاوز ثـلاث مـع أربـع=وعشـر فـلا يشفـي الفـؤاد لقـاه تعاديه ما يـدري تصافيـه مـا درى=ما سمع من غالبي الحديـث أحكـاه عضيت روس أناملي فـي نواجـدي=وقلـت آه مـن حـر المصيبـة آه لـو أن فـي قـول آه طـب لعلتـي=كثرت أنـا فـي ضامـري قـول آه
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أرتفاع ضحايا أعصار فيت الى 6 أشخاص | ابو طارق | احتواء ما لا يحتوى | 5 | 07-06-2010 08:10 PM |
| ضحايا جده | ماجد العصيمي | احتواء ما لا يحتوى | 10 | 05-12-2009 09:25 PM |
| تعالوا شوفوا ضحايا العالم | سمو الاحساس | لُغَة الصور .. والكاريكاتير الساخِر | 6 | 22-11-2009 06:09 PM |
| أسر ضحايا حريق بريدة يثمنون لخادم الحرمين تعازيه لهم في أقربائهم | سلطان الشوق | احتواء ما لا يحتوى | 3 | 02-11-2009 12:40 AM |
| العشاق ملايين راحو بالحب ضحايا | محمد | صهيل القصيد | 14 | 02-09-2009 11:49 PM |
 |  |
العرض الشجري
