فـآقد الإحســآس ..

#1 (**permalink**) 06-03-2011, 03:33 PM

- فاقد الاحساس مايعطي القليل ,,‏

فاقد الاحساس مايعطي القليل ,,‏

قـول عادي .. بالـــي الليله طويــــل ..
شُوف لِـك عذرٍ قديمٍ / وأقبِلَــــه !!

لا تحاتــي ... قلبـــي مِتعَوِّد يشيــل
( الجُروح ) اللي تجي لـــه مُقبِلَــه

" طيبتـي " صارت مثل( كف البخيل)
أيِّ شَي طايـــح .. تِشُوفـه ؟ تحمِلَه

و " عزِّتـي " تقدر تِسَمِّيها : النخيــل
لأني شامِخ .. والعواصف قاتِلَهـ

وعادي جداً .. إنِّـي الليله ( عليـل ) ..
الحزن : يحْسِبنـي واحد مِنْ هَلَهـ !!

ومو غريبه .. لو تِمَنِّيت الرحيــل
البقاء أحيان , يعنـــي .. البهذلَـه !!

في غيابـك .. ما لَهَا الضيقه مثيــل ..!
وربِّــي اللِّـي .. ما يشاءهـ , يفعلَــه

مِنْ يلاقي لـ دنيتــي هي بديــــل ..؟
خل يجينـــي أي شخص .. أبَدِّلَـــه

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَه !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبـك صِلَــه ؟!

و( البلا ) .. إن حَبْ رجالٍ " ثقيـــل "
ينسى مِن حُولــــه ويسْمَع ( مُذهلَه ) !!

مِن عرفتك .. ما بقى بـ اليَـــد .. حيل
ولو بكيفي ..؟ [ قلبـــي ] محدٍ يدخلَهـ

ومِن عرفتِــك .. حظِّـي العاثر يـميـــل ..
أعترف لِــكْ إنِّي ( عاجز ) أعدِلَـــه!!

فاقـــد الإحساس / ما يعطي القليـــل
وإن عطيتــه إحساس قلبك ؟ يقتِلَـــه !!

إيه بـ أرحل والطريــق أدري .. طويــــل ..
مشكله " قربــك " .. وبُعدِك مشكلَه..

وإن خذانــــي المُوت إترك قال وقيـــــل ..
قـــول هـ الجُملــه .. وخطــاك محلِّلَــه :

*[ ربِّـــــي إلهَم أهلهـ الصَبــر الجَميـــــل

وإرحــمـــه يا رب وإحسِـــن مدخلَــــه ]