من تحت نـور البـدر تفاحتينـي

أثر الأذن تعشق قبل تعشق العيـن=عاشقته إذني قبل اشوفـه بعينـي

ومن بعد شوف العين حبوه الأثنين=الأذن و العين أصبحـوا عاشقينـي

وقلبي عطا خريمتن بيـن ضلعيـن=من يوم شافـه كبنـي مـا يبينـي

ناداه بالطرف الحـور والحجاجيـن=وناديت قلبـه ميـر عيـا يجينـي

الفرق واضح في قلـوب المحبيـن=قلبن يجـي ليـن و قلبـن متينـي

نهبت قلبـي يـا زعيـم المزاييـن=أرجوك رده باسطـن لـك يدينـي

أنـا بليـا قلـب وأنتـه بقلبـيـن=ماهيـب فـي شريعـة المسلمينـي

أما أنت رد القلب يا كامـل الزيـن=وألا أقسمه نصفين بينـك وبينـي

يا عود موزن ناعمن بين غصنيـن=لا هبتـه عـذب النسايـم يلينـي

غاشيه ليلن فاضحه بدر عشريـن=ومن تحت نـور البـدر تفاحتينـي

ونجلن عليهن مثل وصف الهلالين=من شافهـن لازم يبيـح الكنينـي

لو لد بالخدرات فـي عالـم الدِيـن=هزه على لامـاه شـوق وحنينـي

ومن عقب تدريس الفقه والصححين=أصبح يجر السامـري والهجينـي

أنرت الموضوع بطلتك
ارق التحايا

	المشاركة الأصلية كتبت بواسطة محمد العاطفي

	قصيدة جزلة يامبدع أعجتبتني القصيدة كاملة مبدع ياعبدالله وننتظر جديدك بشوق تحياتي

كــل الشكــر لـ سموك الكريم .. عــلى روعــة ..

وجميل .. تواجدك العــذب ..

لا عدمنـاك ابدا


دمــت بسعــادهـ .. و .. خــــــــــيـر ..

تقديـري .. و .. احترامـــــــي لـ ذاتــك الطيبه