| |
| |
17-11-2010, 12:56 PM
| |||||||||||||
| |||||||||||||
الصفوف اثنين واهنـي الصخـره اللـي مايحرقهـا سـمـوم الزمـان اللـي يهـد الـعـزم مــا هـدهـا الزمـان الـلـي تـحـدا قويـيـن الـعـزوم ليـن مشـاهـا عـلـى ود مـاهـو ودهــا والمجامل بعـض الأحيـان مـا يقضـي لـزوم لابـو النفـس الضعيـفـه ولابــو جـدهـا ميـر تجبرنـا العوايـد وتجبـرنـا السـلـوم نكتـم الأســرار يالـيـن تـاصـل حـدهـا الـردي لا طـاح جعلـه يطـيـح ولا يـقـوم بـاح سـده والنشامـا مــا بــاح سـدهـا كل ماكبـرت وضاقـت علـى عيـال الرخـوم نحتـزم لأكـبـر مصيـبـه ونـاطـا خـدهـا جعل قسمي عنـد ربـي مـن خيـار القسـوم واحــد يعـطـي العـطـايـا ولا يـرتـدهـا ياعيـال آدم وحــوا تـراهـا مــا تــدوم دورة الأيــــام لابــدهــا لابــدهــا ياوليـد الـبـط وشـلـون ماتـقـدر تـعـوم وانـت ابـوك يعـوم جـزر البحـور ومدهـا وانـت ياحلـم حلمتـه مهـو مثـل الحـلـوم ياضحيـة مـزح الأحــلام مــدري جـدهـا ادري ان فالنـاس معطـى وفالنـاس محـروم ايــه يابـيـض الـنـوايـا ويامـسـودهـا وياضميـري لا يهمـك مـن الدنيـا هـمـوم الصعيـبـه حلـهـا والبسـيـطـه عـدهــا جات في سد الشـوارب وفـي سـد الخشـوم كبـر الضيفـه وعـش الضـيـوف وغـدهـا والمـراجـل ماتـوفـى بضافـيـة الـهـدوم كـود بسيـوف يـشـوق النـواظـر حـدهـا والـردي لـو درس المرجلـه فـي كـل يـوم المراجـل عـنـد اهلـهـا يـذعـذع نـدهـا يعتبـر قسمـه مثـل قسـم زاهيـة الـرقـوم يـوم تكحـل رمشـهـا والـقـرون تكـدهـا ماكسبـت الا رضـا اهـل النمايـم والعـلـوم يارسـول الحكـي هــات العـلـوم وودهــا الصفـوف اثنيـن هـذا دفــاع وذا هـجـوم وانت اظنـك لانـت معهـا ولا انـت بضدهـا شرهـة الطيـب تـعـداك للـغـوج الـعـزوم وانـت صلفـات المشاريـه ماانـت بقـدهـا وانـت فـي سـود الأظلـه تريـح ومخـدوم وان ذبحـك الجـوع كـد التكـاسـي كـدهـا سلطان الهاجري
 |
|
19-11-2010, 12:21 AM
| |||||||||||
| |||||||||||
رد: الصفوف اثنين كل ماكبـرت وضاقـت علـى عيـال الرخـوم نحتـزم لأكـبـر مصيـبـه ونـاطـا خـدهـا شاعر كبير . . صح لسانه ولسانك سم سم
|
|
24-11-2010, 07:00 PM
| |||||||||||
| |||||||||||
|
رد: الصفوف اثنين يعطيك العافيه على النقل الرائع لاهنت يالغالي
|
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| التربية تتراجع عن قرارها بشأن بداية إجازة طلاب الصفوف الأولية | الرسام | رسالة العلم والتعليم | 12 | 04-09-2008 03:56 PM |
| وزارة التربية تعطي مدراء التعليم صلاحيات بقاء طلاب الصفوف الأولية من عدمه أثناء الاخت | عبدالله ابن فيصل | رسالة العلم والتعليم | 9 | 31-08-2008 09:18 PM |
| هل يجوز إبعاد صغار السن عن أماكنهم في الصفوف الاولى بالمسجد | محمد | روحانيات | 9 | 14-03-2007 12:54 PM |
| اثنين سكارى وواحد .....!!! | خالد بن حمر | مساحة للضحك والفرفشة | 8 | 16-01-2007 11:51 PM |
 |  |
العرض المتطور
