12-10-2010, 11:01 PM
|
| |
اسمــ ع ـــــي ..
 (..مدخل..)
اشلون ابنسى ليل ياما سهرناه..؟!
اشلون يقسى فجر ياما سِمَعنا؟!
اشلون يطغى قلب.،واحساس عِشنَاه..؟!
واحيا أكفكف كِل ذكرى زَرَعنا
../
إسمعي كل الكلام..اللي على شانه عنيت
كان باقي في فؤادك..لي أمل لاتقطعينه
لاتقولي ياحبيبي من غرامي وش خذيت..!؟
وإنتي أدرى إن كِلّي..مايبي إلا تآخذينه "
شوفي ابعيني إنهياري .. من يقول إني سليت..؟!
ودعوتي لك كل ليله..ياعساها تكون زينه
صابر ٍمن طول عمري..ماشكيت ولابكيت
إلاعشقٍ هد حيلي..من تركتي هالمدينه
ودّي أعرف كيف حالك؟
كيف قلبك لاطريت؟
ماتحسي بشي يخنق..نبضته ويصيح وينه؟
مادريتي إني أصلا..من بعادك مااهتنيت
والمكان اللي جمعنا..صارت عيونه حزينه
جيت يمّه والمشاعر بي تهاوت وابتليت
ابكي الأطلال وابكي "بيت "كنتي تسكنينه
توَّهتني هالشوارع ..
ضيّعت بي وإنتهيت..
"من بعد ماكان شامخ..ضاع عِزَّه من إيدينه"
صرت انام الليل بدري..
وللأسف ياما صحيت..
فاقد إحساس الهدوء..بداخلي فاقد سَكِينه
أتعبتني ذكرياتي..وأحترق مع كِل ليت
وش تفيد الـ(لّيت)عندي.. وكِلّي صعبٍ تحتوينه
والأمل يانور عيني..من دعائي مااكتفيت
مهماعن عُمري بعدتي..أدعي ربّي توصلينه
يابعيده عن عيوني..
وياقريبه لاغفيت
مايطولك غير حِلمٍ..في منامي تحضرينه
ياغرامٍ بي حفظته..وياهوى لجله وفيت
وياعشق ماكنت إلا..من يساره لي يمينه
إرجعي جفّت عروقي من رحلتي ماارتويت
إرجعي كوني ل"شامخ " كل لحظه من سنينه
../
(..مخرج..)
إقتليني فراق../واهدمي اللي بنيناه
والبقا بروحي..وأحسن الله وَجَعنا
وش ذنب أشواقٍ وحبٍ زرعناه؟
صعبه،ولكن...(خا لِق الناس مَعنا)
لأرواحكم |
 |
المواضيع المتشابهه 
العرض العادي
