وكـم علمتـه نظـم القوافـي

الا قـال العصيمـي مادهانـي=شكيت الوقت واتعبني زمانـي
صغير السن لكن شاب راسـي=من اللوعات جانـي ماكفانـي
وانـا دالـه واغنـي للمحبـه=خلي البال واصـوغ الامانـي
حسدت ابن الملوح في غرامه=ياحظه كيـف غنـى للغوانـي
ابي اهوا وابي اعشق واغنـي=وابادل بالمشاعر من هوانـي
الين انه صدفني مـن سلبنـي=فريد الوصف بـراق الثمانـي
وهي صدفه ولاهي اي صدفـه=مع اللي مبسمه كالـدم قانـي
ضحك لي ثم سلب عقلي بعينه=وسلمتـه مفاتيـح المحـانـي
يقول انه هواني قبـل اعرفـه=وانه بين خلـق الله شرانـي
هويته مخلص من روح روحي=وزاد العشق طبـع مغيرانـي
ما ابيه يحـب حتـى والدينـه=لانـي بالهـوا دايـم انانـي
حسبت انـي ملكتـه بالمـوده=ولكن خاب ظني يـا اخوانـي
اعلمـه الرمايـه كـل يــومٍ=فلما صـاد صيـد ماعطانـي
وكـم علمتـه نظـم القوافـي=ونظمها بالغزل في شخص ثاني
قهرني اااه ما اكبر ماقهرنـي=بعد ماصار مشهـورٍ جفانـي
وعرفت ان الهوا سم مصفـى=ومن قلد يبا يلقـى الهوانـي
ابن فرناس قلـد لـه حمامـه=وطاح ومات واثر العمر فانـي

عبدالله العصيمي

لمروركِ روعهـ ونقاء ــآثار متصفحي
فملئني سروراً وحبوراً
لاحرمنا منكِ ولا من روعهـ هذا ــالحضور
كوني دوماً هنا