{..ترى لا أنت وجه للرجوله ولا أنت قدها

#1 (**permalink**) 31-07-2010, 04:59 PM

قـبـل لانتفـاهـم أبــي مـنـك تـرمــي عـقـالـك..
تــرى لا أنــت وجــه للرجـولـه ولا انــت قـدهـا ..

وعيـنـك هــذي تنزلـهـا لاوقـفـت انــا قبـالـك..
ولاتقاطـع فــي كـلامـي والــزم الفـاظـك حـدهـا..

لاتساهـل فـي كلامـي واحفظـه وخلـه فــي بـالـك..
أنـا بنـت ورثــت الـعـزه مــن أبـوهـا لجـدهـا ..

مايهزهـا مجـرد وجـودك كبرياهـا مايكسـره امثـالـك..
والكـرامـه قـبـل تعـرفـك راضعـتـه بـدمهــا ..

غلطان ان كنـت تحسبنـي شـيء تبعـك ومـن حلالـك..
أنـا أكبـر مـن طموحـك وشـف يـدك لابغيـت تمدهـا ..

اللـي مثلـك شخـص ( خايـن ) يستحـي منـك ظلالـك..
اللي مثلـك مامشـى درب الرجولـه وماوصـل لمجدهـا ..

عزتـي عيـت تنـازل لجـل اعاتـبـك عـلـى فعـالـك..
خلنا مـن "قصـة خيانـه" وقلـي كرامتـك وش عندهـا؟..

وين الرجوله اللـي تقول؟!كيـف ترضـى يكـون حالـك؟..
ويـن عقلـك طـار لـه؟ يـوم تلحـق مرهـا وشهدهـا ..

لـو سِألـت عـن المهانـه قلت:تجسـد مــن خـلالـك..
يـوم ترمـي بالرجولـه وتركـض وتمـسـك يـدهـا!! ..

ان كنت تسأل عن شعوري أبشـر بجـاوب عـن سؤالـك..
تدري! فرحت! لأني عرفـت محبتـك قبـل يطـول بعدهـا ..

أدري انـي فـي يـومٍ قلت:أنـي عشقـت حتـى خيالـك..
وأنك قـد كنـت بحياتـي شمسها"وظلها"وشو كها"ووردهـا ..

لكـن دموعـي أنـا علـى كــل لحظـاتـي بوصـالـك..
يوم تخدعني بحبك وتنقـل كلامـك اللـي تقولـه عندهـا لكن..

مضـى كـل هالزمـن ومانـي فيـه أصغـر عيالـك..
أنا أداعب هالنجوم واسأل الشمس عني يامى لثمت بخدهـا ..

واللحيـن بشوفـك وانـت تقفـي ساحـب عـز متهالـك..
ولملم أعذارك معـك يشرفنـي انـي بكـل بساطـه أصدهـا ..

مستحيل أقبل عـذر أنـا أعلنـت عـن حياتـي إعتزالـك..
والهـدايـا الـلـي وصلتـنـي عفـواً..أنـا بـردهــا..

لحظـه قبـل تقفـي لاتنسـى تنحنـي وتاخـذ عقـالـك
واحترف طقوس المذله اركض ألحقها شفها تمشي لوحدها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قدها ولا مو قدها..؟؟؟	محمد	مساحة للضحك والفرفشة	240	05-03-2010 02:54 PM
الأمير نايف: من يسمح لأخته أو ابنته أو زوجته تعمل سكرتيرة لرجل آخر يفتقد للرجوله	الكاتب	احتواء ما لا يحتوى	11	12-09-2009 07:55 AM
قدها ولا مو قدها	محمد	مساحة للضحك والفرفشة	897	10-06-2009 02:27 AM
خلك قدها	سمو الاحساس	مساحة للضحك والفرفشة	10	26-04-2009 11:39 AM
رجل على رجل من قدها	حفيد مجمش	لُغَة الصور .. والكاريكاتير الساخِر	17	07-02-2009 09:56 AM

{..ترى لا أنت وجه للرجوله ولا أنت قدها

صهيل القصيد