| |
19-06-2010, 07:57 PM
| |||||||||
| |||||||||
[[ ليل الوداع]] خـلـّيك ياعــــــمـري مع الـلـي تحــبّين .. ابقـي وانا برْحــل مع سْــنيـني الـسّـود جـيـتك غـريب بْـجعــبـته غـرْبة سْـنين .. حـزين فـ الـدنيـا ومــتعـب ومـجـهــود يبحـث لحـزنه عـن مكـان وعــــنـاوين .. وحـضْـن ٍ يلـّمـه من شـــتـا ليل وبْرود وحـــبّـيتـك بـقـلـب ٍ يـفــوق الـمــلايـين .. واحساسي وشـعـري على قولي شهود عـمـري بـدونك شـاب لـيتك تـشــوفـين .. وعزاي فـيه انه غـدى عـمـر مـعــدود أقــولـهـا لـك صـدق!! والـصادق يبـين .. الـقـلـب في حـــبك مـكـبّـل ومـصـفـود أحسب مشاعـرْك لْشـعــوري قــريـبـين .. آثاري بعض احـساســـك لْغيري مرصود أثـريـك يـاكــلي تجــــين وتـروحـــــين .. في حب منهـــو فيك من قـبلي موجــود صــدودك وصـمـتـك دلـيل وبراهــــين .. انـه بـقـــلــبـك بـين نـزلات وصـــعـود واخـترت أبعـد عـنْـك وانتي تعــرفـــين .. مامقصدي ثـقْــل ٍ ولا زعــل وصــدود الـقـصْـــد واضــح يافـــــتـاتي وتـدرين .. مايـجــتـمع فـحــــلـيـن يـابـنـت في ذود يافـــــــتْـنـ ة الـدنـيـا وحــــلـم الـمـزايـين .. يأنْصـع بيـاض ٍ في الـوفـا مالـه حدود يـابســمة ٍ تسكـن ثـغـور الـصـغـيـرين .. يأشْراق صبْح ٍ في مدى الكون ممـدود يـاوردة ٍ غـاضـت زهـور الـريـاحــين .. من عطرها صار النحل حولها حـشود ياوجْـهـة وقـبلـة فــــراش البســــــاتين .. ياللي بـشـــذاك أخـتـلـّت عْطور كمبود يوم انٍ كلـّن خلـْق من مـويـه وطـــــين .. كـنك خلقـْتي من عـطـر مـسـك وورود حـرام أشـغـل فـكـرك بـجـيـم أو سـين .. وبـدري عـلـيـك الحزن ياغــضة العود مااحب أشوفـك يامـنى الـروح تبـكــين .. ومااحب أشوف الدمع يجرح لك خـدود يـامـلـهـمـتني الشـعـر والشـعـر تـدوين .. دوّنـتـه بـقـلـب ٍعـن ســـواك مـصــدود والله مـافـاقــوك بـالـحــسْـــــ ن والـزين .. لا(نوره) و(نجـلا) ولا(نوف) و(نْجود) ان عـشْــت لجْـعل لك قـصيدي دواوين .. وارسمْـك واشعـل ماعْتراني من جْمود وابـذْكـــرك بالخــيـر لـونـا بعــــــيـدين .. ومالوم غـير الحــظ والحــــظ مــــقرود مهــما تفــارقـنا!! عـلى الـود بـاقــــــين .. وطـبع الوفاء مابـين الأحــباب محـمـود أبي السـموحه مـنْـك!! وارجي تعـذرين .. وغــير السموحه منْـك ما أطـلب الـزود مـكــتوب أواصل رحْـلتي دون مـغـلـين .. يـســــانـدونـي يـوم انـا دون ســــــانـود واعـــــيـش هـالـدنيــا بـلا خـل ومـعـين .. وواجـه ســنيـني كـســـــير ٍ ومـلـهــــود يالشـعـر شــدّ حْـزامـك الـيوم مـاشــــين .. ومـودّعــين اللــي بهـا الـســعـد معـقـود زهـّــب حـروفـك دامــنـا اليوم ســـارين .. القـلـب لمـســامـرك يالشـعـر مـشــــدود أواااه من حزن ٍ زرع بي ســـــكـاكـــين .. أواااه من عـــمـر ٍ حــــييـته بلا فــــــود الحــــين بس الحـــين!! ويلي من الحين .. بقــــولها دامي على الـبـعـــد مـحــــدود الحــين أنا بـتركّ مع من تحــــــــــــب ين .. واسـتاذنك!! برحـل مع ســـنيني السـود
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| القصيبي يكتب قصيدة الوداع | سمو الاحساس | صهيل القصيد | 12 | 02-05-2010 11:22 PM |
| تجاهلت الوداع | ابو طارق | الجوال .. و الإتصالات | 15 | 02-05-2010 09:57 AM |
| اصعب انواع الوداع | moon | احتواء ما لا يحتوى | 12 | 22-09-2009 02:28 AM |
| شفاء مريض بالايدز بعد زرع النخاع | العراب | الوقاية خير من الف علاج | 2 | 28-11-2008 09:28 PM |
| ][®][^][®][صكوك الوداع][®][^][®][ | دعــ الروح ــاء | حكايات من الوجد | 12 | 09-05-2007 01:01 PM |
 |  |
العرض الشجري
