ماكل من يركب على الخيل خيال

#1 (**permalink**) 18-06-2010, 06:54 PM


	ماكل من يركب على الخيل خيال ولا كل خيل تعجبك هي أصيـله ولا كل من يعجبك هرجه برجال بعض العرب ملسون وايده بخيله الكل يلبس ثوب وشماغ وعقال وعند اللزوم افعالهم هي قليـله الرجل تثبت له أقاويل بافعال لاقال شئ ونفذه هو دلـيله والرجل لاشفته مع القيل والقـــال ابعد عنه هذا صفاته عليــله والكذب خله عنك مافاد لو طال قول الصدق ياصاح غنم وجميـله وخلك شجاع وذي صفات للابطال اللي كما سيوف تبارق سليـله واللي شراك اشريه لو كان بالمال خلك معه وان مــــــال دور بديله واصبر ترى الدنيا تبدل بها أحوال وما كل شئ صافي تشـــــوفه تجيله وبعد الكدر تشرب صفا عذب وزلال هذا الزمن فيه استــــقامه وميله وصاحب خليل لو جفـا الوقت مامال ترى الرجل يعرف بقيمة خليـله واقفل على سرك بكتمان واقفال بعض العرب يسمع و ينوي بحيله وخلك أمين إذا توليت الأعمال من خان في يوم الحشر يا حليله خل التواضع فيك واضح بالافعال ترى الكبر يردي بيوم وليـله ولا تحسد اللي عنده اموال وعيال وش ينفعك لو كان حـــسدك يزيله ولا تزور تقلب الزين بطـال الله عليم بالنوايا الدخـيله وخلك رزين ترى المخفه للاطفال واصفح عن المخـــــطي ولو زاد قيله واحمل همومك لو تزن وزن آلآثقال بكره تروح وتنجلي لو ثقـيله وصل الفروض ولا تنسيك آلآشغال محدن في الدنيـــــا درى وش بقي له وزور آلآقارب للرحم كون وصـــــال وخلك عظيم الشان وسط القـبيله وصلاة ربي عد ماهل همـــــــــــــ ال على النبي اللي صفـــــاته جليله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماكل وآحد غابـ معناهـ ناسيكـ	سمو الاحساس	صهيل القصيد	11	04-04-2010 10:34 AM
:\| [ ..ماكل هرج يمر أذانيك مسموع .. اربع أرباع اللي يمرك أشاعه .. ]\|:	اسايرها تعاندني	صهيل القصيد	9	21-10-2009 04:44 AM
ماكل من يضحك سعيد بدنياه ..	محمد	صهيل القصيد	11	01-10-2009 08:24 AM
ماكل مـن طـوّل شواربـه رجّـال ,, ولا كل مـن خـاواك تفخـر بعـزه	صديقة القلم	صهيل القصيد	11	29-08-2009 12:13 AM
خيال واسع ...	محمد	لُغَة الصور .. والكاريكاتير الساخِر	20	20-02-2008 11:17 PM

ماكل من يركب على الخيل خيال

صهيل القصيد