الله يعـز اهـل العقـال

جدفـي ياعزتـي غيـر القلـم مالـك ذراع
دام ضو الشمس دربك ما مع الهمـة محـال
اصعدي موج المدامع وامسكي حبل الشعـاع
واكتبي في صفحةٍ عنوانها "صعـب المنـال"
لا متـى وحـروف لقيتنـي تقَّـدم للضيـاع
وجبـةٍ حراقـةٍ باشهـى مشاعـر وانفعـال
حطمي جدران حبسك فـي تمـرد واندفـاع
واكشفي للنور مافي الفكر من حس وجمـال
لا تحرين الصباح ان طابلـك ظـل القـلاع
وحصن ما تبنيه ذاتك ما يصونك عن ضَـلال
كان ديني ما بنا لي حصـن عفـة وامتنـاع
عن هوى نفسي ترى لابليس درب فكل جـال
بالعمل في جنة الفـردوس منـزل وارتفـاع
مايميز محسن ٍ عـن محسنـة غيـر الفعـال
مابخس ربـي لبنـت حـق أو عـدّه مشـاع
وما رفع عنها القلم أو خص بالجنـة رجـال
كم عقول ضيقـة وعيـون صاحبهـا وسـاع
تحسب التذكير مجد وتفتل الشـارب جـلال
مسلـم الفطـرة وعنـده جاهليـة فالـنـزاع
لا ذكر أخته يقول: "الله يعـز اهـل العقـال"
كل مامديت فكـري شبـر مـدّ اللـوم بـاع
وان دعيته للشروق يقول لي شوفي الـزوال
التعالي سلم الراقـي علـى متـن الضيـاع
جلّ من وحيه تضمن إسمنـا فاسمـى مثـال
لا تسـن سنونـك العوجـا لربـات القنـاع
دونك الميدان واطلب فـي سبيـل الله قتـال
ياخسـارة شعـر يِكتَـب للتهجُّـمٍ و الدفـاع
ارسمي يانفـس أبعـادك بحكمـة واعتـدال
كم حكم بالنقص ناقص عايش بذاتـه صـراع
يحسبنـه لانتقـص حـوا مرشـح للكمـال
ياقصيدة فاتنـة بارقـى المشاعـر والطبـاع
مـا تعذربـك الأنوثـه أو يحقِّـرك المقـال
سابقي أصوات من عدّوك من سقـط المتـاع
والمعي نجمه يزيِّـن ضوهـا صـدر الليـال
واشرقي ياشمس تنكر ضوها عيون ٍ وجـاع
وامطريهم ياسحابه خضّـرت نبـت الجبـال
الهوي سيَّرك بامـر الله لـو مالـك شـراع
لارض تثمر من عطاك,وصلد عنه الغيث سال
واجدة آيات ربـي صعـب يحصيهـا يـراع
بعدها لا قيل: أنثى ,قول: يا ما اسعدك فـال