لا .. للفـراق .. و لا .. لتجديـد الأوجاع::ونعم .. نعم للوصل لو كان بالصوت

#1 (**permalink**) 29-05-2010, 02:46 PM

كلمات لشاعر :محمد المري ..
رأقت لي .. وحبيت انقلها لكم ..
.وان شالله تنال اعجـــآبـكم وذوووقـــكم ..

::
يا شيـن طبـعٍ فيـك .. يا زيــن الأطبـاع
لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت

الحكي .. قوت السمع / وأسامعي جياع
ومسامـعي ماتت من الجـوع .. للـقـوت

وحكي الغزل في صدرك أشكال وأنواع
لكن صمتك .. حوّل الصـدر .. تـابـوت

إلا طَلَبتـك وصـل .. صعّبـت الأوضـاع
( مدري .. من اللي درّسـك جعله يمــوت)

تصـد .. ما كـنّـك من الصـد .. مـرتـاع
وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت

::

ممــآ رأق لي
كنق الفياض

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مآ ألوَمڪْ لوْ بكِيتَيْ يآ شِوآرعّ هَالمُدينَــہَ ..!!	محمد	صهيل القصيد	18	04-05-2010 06:58 PM
الجزيره //// تبشر قرائها لموسم الأمطار	ابو رنا	منتدى السفر والسياحه	14	06-05-2008 01:50 PM
أرهقتني الأوجاع ..!!	محمد	حكايات من الوجد	8	31-03-2007 11:00 PM
أرهقتني الأوجاع ..!!	محمد	ركنك الهادي	0	18-03-2007 12:54 AM

صهيل القصيد