اهداء ... لــ محمد ابن عبدالله الدحملي السهلي ( ابوهلا )

سلام يامحمد ولد عبدالله القالط سلام=في خاطري كلمة وفاء بقولها وعدها
والله ونعم اليا حمى الموقف ولا زاد الزحام=غصباً على اللي مايبي اقولها واردها
جنبك متين ولا تهاب ولا لحق مثلك ملام=وفالازمه تقلط سطر الين تاسم خدها
وانا مع محمد طويل الباع يجذني هيام=وروس الرجل الطيبه تودني وودها
وابوهلا قدره كبير وله معزه واحترام=من طيب راسه لازهمته ساقها لاحدها
أجيه لوه منشغل ويروح في دربي شمام = حتى لو دربي بعيد يتعب معي و يصدها
فعله مع الاقراب والاجناب معطيه الوسام=يوم الردي يتعب على المدحه ولا قد شدها
حاز المراجل كلها ماقال شرق وقال شام = وانا اشهد انه قدها وانا اشهد انه قدها
والله ونعم اقولها للي كسب عرض السنام= كلمة وفا في غيبته و بحضرته بعدها