| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
25-05-2010, 01:26 PM
| |||||||||
| |||||||||
الشاعر سيف بن عبد الرحمن العفيش السهلي هنا قصائد الشاعر سيف بن عبد الرحمن العفيش السهلي
 |
|
01-12-2010, 08:35 PM
| ||||||||||
| ||||||||||
|
رد: الشاعر سيف بن عبد الرحمن العفيش السهلي
شكرا ابو هلا انا نزلت موضوع لشيخ والشاعر القدير سيف بن عبدالرحمن . عام 2006 واليوم اجدد لكم الموضوع السلام عليكم ورحمة اللة وبركاتة. محاورة شعرية جرت بين شاعرين كبيرين : سيف بن عفيش وصالح العويسي من اهل الرويضة بالعرض "جعلها السيل" . سيف سلامي عليكم يارجال الحمية= من الهاجس اللي يفهم النقص والزود على من حضر مني سلام وتحية= اقوله جواب مايجي فيه منقود صالح -- هلا والبقا بك عد برق العشية= وابلعب بصافي يوم ذعذع لي النود ريالك ليا جانا صرفته بميه= ترى اللي تبي يا صاحب العرف موجود سيف--- احب السوالف والعلوم الطريه = حلاة السوالف بين ناشد ومنشود معك نيه وانا معي كم نيه= تهرج ما دام الحبل يالخصم ممدود صالح-- سوالفك يارجال عندي شليه= ولانيب لاطارد ولا نيب مطرود ترى العرف زامي مثل هضبة طميه= ومن راح عن دربك فلا هوب مفقود سيف--- ياليت العويسي مايعجب خويه= ابيكم عليه من الخطا صيروا شهود تري ذمتي من ما يقوله بريه= ما احب الظلايم فوقنا رب معبود صالح--- لاياك تلحق صاحبك مقصويه= خصيمك مشي فالدرب نار وبارود وانا ويش أسوي يوم خصيمي بليه= معه حبل واعراص وحاس لي قيود سيف-- ياليتك نهار الحرب قايد سريه= تهزمه ليا من حكوا العود بالعود مابعد رمضان وقبل شهر الضحيه= يبا الصيد واصبح ريس القوم مصيود صالح--- ودنياك يالصا حب تراها صبيه= ولاني موكل عن مساعد ومسعود ولاجا الضحيه صارت النار حيه= شهودك نبيهم لالفاينا بن عبود سيف-- ماوكلك عني نايب فالقضيه= أسد اللزوم ان صار حاوي ومردود تصبر تري الايام دايم مديه= الايام بيض والليالي تجي سود صالح---- أنا بيك يالصاحب صبور عليه= واجيب الخبر من عند حامد وصاهود وكيل عليك أن جبت صاحب عليه= احده على ماطاب والدرب مسدود سيف--- ترى نيتك فالدرب دايم مطيه= تصبر يا بو شباب والوقت محدود ياويله ليا منه وقع في يديه= اقوده على ما اريد ياصاحبي قود صالح--- أنا عقب ماشفته كتبت الوصيه= عسى الموت بالسنه ولانيب مقرود واعرف الليالي والليالي فضيه= تحب البحر والاتبا تارث عقود سيف--- عيوني تخيل الخنجر الحضرميه= مانا خايف منها ترى العلم ماكود على مايقول إلي المهندس عطيه= وانا لي مع اهل العرف غاية ومقصود صالح---- انا فارضكم مانيب فارض خليه= ولا احد يدور للخطا والخطا كود واشوف الشويه مير خل الشويه= وانا ماشيا في ديار وافين الجدود سيف--------- الوي عليك الحبل عشرين ليه= واخليه طول الوقت والعلم مريود ابهدي عليك من النصايح هديه= تري من غدا فالدرب ما هوب مفقود صالح----- ولانيب مجنون يثني عليه= انا معك ماني راضي لطم خدود وياقشر حظك لارمتك المنيه= تجيب الخبر والاتجي مثله قهود سيف-------- انا لو أبا اركز للجمل زود خيه= يصبرعلى كيفي ولا ينكر القود سوالفك فيها غش ماهي صريه= وأنا في غيابك باذل كل مجهول صالح----------- عداك الهدف ولا عرفت الهويه= وهدهود جاب العلم يم ابن داود انا خبر انك حاملن تابعيه= تبي درب يارجال والدرب بسنود 000000000 صح لسان الشاعرين وان شاء احاول اجيبكم عدد من القصايد
آخر تعديل تركي عفيش يوم
01-12-2010 في 08:43 PM. |
|
01-12-2010, 08:38 PM
| ||||||||||
| ||||||||||
|
رد: الشاعر سيف بن عبد الرحمن العفيش السهلي
وهذي الثانيه النص الكامل لمرثية الشاعر سيف بن عفيش في أخيه علي"أبوثامر " نزلت من قبل العضو القدير فهد السبيعي أخواني الأعزاء كما وعدتكم اليكم النص الكامل لمرثية الشاعر الكبير سيف بن عفيش في أخيه رحمه الله علي بن عفيش , والتي أورد بعضا منها الأخ الغالي عبدالرحمن بن سيف بن عفيش. وراك يا مشرف طويل الظلالي = عليك يسفن السوافي و مـــــهدوم ياقصر أبوثامر سقاك الخيالي = عساه يسقيك المطر دايم الــــدوم يا قـصر مثلي لوعـتك الليــالي = نمسي بحزن ونصبح الصبح بهموم ياقصر يا عزي لحالك وحالي = حيل الله أقوى أمر من الله مــقسوم يا قصر بتقعد من الرود خالي = حاميك راح و بتروح بك الــــــــقوم يا قصر بنرخصك ولا أمس غالي = وعلى الزباين بينظهرك للـــــسوم يا قصر فاختك السعد والجمالي = بتقعد من الأفراح والخير مــــحروم ومن عقب منتب مدهل للرجالي = اليوم يا مشرف تغني بك الـــــــــبوم وكم ليلة دسمك قرم العيالي = وكم نشمي سند مع الحزم مـــــعزوم الا أقبلوا يفرح بهم ما يبالي = له مجلس دايم من الربع مــزحوم وكم حايل منه أحمر الدم سالي = من حد سكين على الحلق مــــسموم من كف أبو ثامر كريم السبالي = رجل الكرم جعله عن النار مــــرحوم ويشهد لي الخالق عزيز الجلالي = في المرجله والضيف ما يلحقه لــوم يا ما تهوجس به هواجيس بالي = ان صرت واعي وان دخل عيني النوم ياونتي مانيب داله وسالي = ولو كثرت الاشوار ما كان مـــعلوم وياونتي تصفق يميني شمالي = بليل طويل أقعد من الحزن واقـــوم يا قلب لاتستكثر اللي جرالي = على أبو ثامر بتحزن ومــــــــــلزو م فقدت أخوي وخبث الحزن فالي = ويا ما بنوح وبا تمناه من يــــــــــوم يا ليـتني فـقدت حــالي ومـــــالي = وعلي قعد لو ماجد القوت وهــــدوم لو كان ماجد ما اشتري به نعالي = شوفه غناة وعز وان عشت محشوم ولا قط يوم با المهـونة رضـا لي = ولا حط له سر عن أخوه مـــــــكتوم الله يبيحه عد ذاري الرمالـــي = وعساه بالجنه وعن النار مــعصوم دنيا ترا أخرها الفنا والزوالــي = وكل ادمي له يوم والأجل مـــــحتوم ولا هوب لا بول ولا هوب تالــي = غدا مثل غيره سواليف واحــــــلوم ودمتم سالمين اخوكم فهد السبيعي رابط الموضوع لحفظ الحقوق http://www.rwwwr.com/vb/t1638.html |
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشاعر سيف بن مهنا السهلي | محمد السهلي | صهيل القصيد | 11 | 28-05-2010 02:38 PM |
| الشاعر المرحوم علي بن عبدالرحمن العفيش السهلي | محمد السهلي | صهيل القصيد | 0 | 25-05-2010 01:08 PM |
| الشاعر نهار السهلي | سمو الاحساس | صهيل القصيد | 14 | 03-03-2010 06:08 PM |
| مع السلامه الشاعر محمد السهلي | محمد | صهيل القصيد | 6 | 27-05-2009 04:10 PM |
| تهنئة الشاعر ( عبد الرحمن الأهدل ) للأمير سلطان | محمد | صهيل القصيد | 1 | 10-04-2009 03:30 PM |
 |  |
العرض العادي
