أبنشدك يا صحيبي

أبنشدك ياصحيبي ليش هالصده
ثلاثة شهور ماشفناك يالغالي
ياللي تجيب الخبر لا هنت له وده
مرسول من خاطري كالسكرالحالي
قله صحيبك حزين طول هالمده
انته نسيت الخوي والا يورالي
يابو حمد صاحبك حال الهوى هده
الله يامكبر همومي وغربالي
لا واوجودي على شوفة بحر جده
آذن تصفى هواجيس على بالي
لا واوجودي على اللي ناعم خده
شيهانتن تطرق الأول على التالي
بالزين مقياسها محدن وصل حده
ماهي خرافه ولا هو قول جهالي
بنت الدلع في دلعها ماحدن قده
مدلعه في ذرى من يحتمي التالي
يوم عيني لصوب الحزن ملده
مافيه غيره يخلي خاطري سالي
انا اشهد انه سكن وسط الحشا وده
ياوجد حالي على ماشوفه قبالي
أثر المفارق عذاب لعنبوا جده
وانا كما تايه وسط الخلا الخالي
خضيت بحر الغرام بجزره ومده
واشعلت نار القصايد فشهب اللالي
واخر حروفي سلامي يابحر جده
والله والله ماغيرك برى حالي

أتمنى أن تنال أعجابكم

السلام عليكم ورحمة الله وبركاته

كلام جميل وحروف اجمل صح لسان شاعرها

صح لسانك وعلى شائنك

وفالك البيرق

لك التحية
على الإختيار الجميل

ننتظر ان تتحفنا بجديدك دائما ...

صح لسانك وصح لسان شاعرها

كلمات روعه كروعتك

تسلم اناملك ع هذا الطرح