|
رد: بنات في طريق الهاويه كبرتني همومي الله يستر بس من الزمن القادم |
رد: بنات في طريق الهاويه البتار اشكرك على مرورك |
رد: بنات في طريق الهاويه لا حول ولا قوة الا بالله طبعا انا شفت كثير مقاهي بس جدة مقاهي عوائل في كل شارع وكل زاوية وفي الفنادق الكبيرة طبعا كشعب محافظ بديهي نستهجن مثل هذه السلوكيات ولنرى مثلا من يقوم بذلك معظم المدخنات او المعسلات لا توجد رقابة عليهم والا كيف يذهبن للمقهى لوحدهن ولا ندري مع من ؟ ؟ كنت في مدينة جدة قبل اشهر وشاهدت بام عيني في مول ايس لاند مجموعة كبيرة من الشباب ( انواع الكدش ) شدني المنظر واقتربت خاصة والوقت متاخر جدا ( الساعة الثانية بعد منتصف الليل ) ! ! قلت فيه حريقة في المول والا كارثة وبعد الاقتراب عرفت ان كل مافي الامر مقهى عوئل يفتح حتى ساعات الفجر هذا كانه يقفل وسبب تواجد هذه الجمجموعة الكبيرة من الشباب انه البنات يقومون بادخالهم معهم ( للحساب على ما اظن ) وش نرجي ورى هذا المجتمع ؟ ؟ ؟ ؟ طبعا انا لا اعمم لكن مارايت يضيق الصدر من جد حمانا الله واياكم |
رد: بنات في طريق الهاويه رجعت ^_^ في بالي حكي قلت ارجع عشان اقوله اسمح لي سمو الإحساس ممكن اطلع عن الموضوع إلى اساسه اللي هو الخراب بصفه عامه سواءً تدخين او مكالمات او اي شي : 1-ممكن اهلهم متشدديـــــــــ ـن بقوه فـ هينا يجي انتقام البنات من اهلهم .. والمشكله ينتقمون على اشياء بسيطه جداً ..! بتقولون كيف انا اقولكم .. بعض البنات يسألونهم ليش تدخنون او ليش تكلمون شباب او ليش وليش وليش .. اللي تكلم :تقولك والله انا ماكان في بالي هالشي .. بس اقول لـ اهلي جيبوا لي جوال .. يقولون ليه عشان تخربين في هاللحظه تصير مشكله ..تخليني في هذيك اللحظه افكر اني اعلمهم اني لو ابغى اخرب خربت بأي طريقه وبعدين اندم ...<<<ماتفكر في انها اهي المتضررهـ .. والثانيه معاها جوال بي تبغى كمبيوتر خاص فيها يقولون ليش تبينه ..؟ عشان تخربين .؟ هالكلمه تحسسها ان اهلها مو واثقين فيها.. مع ترديد هالطلب وترديد الإجابه .. وفي لحظة الغضب ممكن تسوي حاجه ماترضي اهلها <<وطبعاَ هذولي المراهقات.. ..ادري كلمة انتقام قويه ..بس هذي اقرب كلمه للي يسوونه وممكن انو مايكون إنتقام .. ممكن انهم هم فتحوا عينها على شي ما كانت تشوفه قبل لكن اللي تسوي كذا اكيد اكيد اكيد بينها وبين اهلها مشاكل.. يا اما انهم مانعينها عن شي او انها كل ماطلبت شي ذكروا لها مسألة الخراب .. 2- تدخن .. لو تسألها .. تشوف انو من حاله نفسيه .. اما انو امها دايم تضغط عليها او انها تشوف انو صديقاتها مدللات وتبي تصير مثلهم بس اهلها ماعندهم هالحركات.. تحصلها تحط كل غضبها في هذا الشي .. او تحصل بين اهلها مشاكل ..اذا جلست عند ابوها تلاقيه يسب في امها ونفس الشي عند امها .. ولايهمهم فالحياه الا مشاكلهم تطلع بنتهم عند صديقاتها .. ماتطلع مايهمهم..اهم شي انها تكون فالليل موجوده فالبيت... او تحصل مافيه عدل فالبيت .. يكون الولد اهم شي .. والبنت على الهامش.. يعني البعض مايدخنون من الباب للطاقه بتحصل عندهم مشاكل تدفعهم لهذا الشي..! 3- النوع الثالث هينا اهو اللي ماله عذر للأسف دعواهم كلها .. تقليد .. قاللبس تقليد فالأكل تقليد في طريقة المشيه تقليد في الغرور تقليد في التدخين تقليد تشوفه يقتدي في اسوأ الخلق .. يعني يزين له الشيطان صورة السيء .. فتشوفه يقلده.. هذولا ممكن ان حالتهم تكون من احلا واجمل الحالات .. وتكون طلباتهم مجابه .. بس مشكلتهم التقليد يشوفونهم يدخنون يقلدونهم .. بدون مايعرفون وش الأسباب اللي تخليهم يدخنون...! اما الحريم الكبار ..! هذولي ما اتوقع انو احد لاعب عليهم او اي شي.. اللي اتوقعه اهو انهم طايحين فيه من زمان .. ممكن انها اول ماتزوجت تزوجت رجال ماعنده غيره.. يشيش تعالي بس شيشي معي وخل نطالع التي في ونبسط تجربها يوم يومين .. وبعدها يصير الوضع عندها عادي ..! وبعدين تطلقت .. وعند اهلها ماتقدر تسوي شي تطلع تاخذ راحتها.. تخفت عن عيون اهلها .. ونست انها ما تقدر تخفى عن عيون خالقها .! وبس هذا اللي عندي ومشكور مره ثانيه على طرحك ^_^ |
رد: بنات في طريق الهاويه صراااحه موضوع في غايه الاهميه بناااات في طريق الهاويه ابختصر الكلام في عدة نقاط 0000وهي 000 1- ضعف الوازع الديني 0 2-قله الرقابه00 الاب ملتهي في اشغال الحياه والام من بيت لبيت 0 3-الدلال المفرط ووفرت المال 0 4-رفقاء السوئ وصاحب ساحب 0 5-المشاكل بين الاب والام تذهب الفتاه الى صديق او صديقه سوئ ثم يبدا التدمير وطبعن الا هل لايعلمون بشي مشغولين بمشاكلهم والضحيه اولادهم 0 6-اوالتقليد الاعمى مو افلانه احسن مني والحين صايرة موضه لا يعتبرون ناس منفتحين انك تشيش واحلا نكهات طبعن شفتهم بعيوني ع الكرنيش با لخبر والله عائله من اصدقا ءوحريمهم معهم جالسين يشيشون واطفالهم معهم شوفو القدوة مين الوالدين يعني مايلمون البنات والشباب اذا اها ليهم كذاء0 7- قله الرقابه وعدم المسؤليه 0 8- الفرااااااغ والبطااااله 0 9- وسائل العلام الهادفه ماخلت شي ولا بقت كل شي ادخلت به من دعايات وغيره 0 واخيرا ما زالت امالنا كبيره في شباب وشابات الامه لا ن بهم تحيا الشعوب 0 يمكن اكون قسيت في بعض الشواهد لان هذا الي قاعد يحصل فعلن للاسف الشديد و لان غيرتي عليهم مارضي احد يخدشهم بكلمه 000والله يفتح ع قلوبهم وعقولهم اااامين 0000 |
| الساعة الآن 02:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : SEO by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..