.:: ياويل قلبي كل مااشتقت لقياه ::.

ياويل قلبي كل مااشتقت لقياه

وشلون ماتشتاق عيني لعينه



أنا أدري إني حيل أحبه وأهواه

وأنا أدري إن القلب صار بيدينه



أموت أنا به في غيابه وأحياه

وشلون أجل لو صافحتني يمينه



حاولت أنا اكتم عبرتي يوم فرقاه

وألملم جروح الزمان الطعينه



واعطيه من قلب المعنّى معاناه

وآخذ من جروحه ولو هي دفينه



وأضيع به في زحمة الناس وأنساه

وأنسى معه ذكرى السنين وحنينه



لقيت نفسي كل ما حل طرياه

عروق قلبي كلها تقول وينه



يامر على قلبي ولا شك ينهاه

كلي أنا تحت الإشارة رهينة



ما كل من يضحك سعيد بدنياه

وما كل من يبكي دموعه حزينه



أحدن بكى .. والكل يدري عن بكاه

وحدن مع الضحكه تحس بونينه



ياشين فرقى الحب وياشين بلواه

والمشكلة دنيا بلا حب .. شينه



والزين ما يكمل ولو كان ماحلاه

إلا حبيبي ماتغيّر بزينه



ماجيت أسولف عن حلاه ومزاياه

.يكفي أحاسيسي وقلبي عارفينه



كن الفضا في غيبته ضاق مسعاه

وكني غريقٍ ينتظر له سفينه



شف دنيتي ياصاحبي عقب فرقاه

مثل الظلام اللي حصل بالمدينة



باكتبه أنا في صفحة الشعر واقراه

وباذبحه بزود الغلا دون سكينة



وبارسمَه في لوحة الشعر وانعاه

وبادفنَه بين الضلوع الحنينه



بوسط الحشا في داخل الصدر مثواه

إما يسار القلب وإلا يمينه


مماراااق لي

كلمآتـ تناغم عزفهـآ
على متصفحكـ العذبـ ’’

وانتثرت الابجديآت بجمآلهآ هنآ ’’
فسحرت المشآعر والاحآسيس ’’

لروحكـ سعــآدهـ الاكوآن ’’

اسايرها

اختيار جميل

وابداع من كاتب الكلمات

وابداع من شخصك بالاختيار

اسايرها تعاندني

القلم الغائب الحاضر دوماً في قلوبنا

لا شيء يكفي لمدح ما كتبت

لذلك ساكتفي بتسجيل إعجابي

و تأكد بأننا في شوق للمزيد من طرحك

فلا تبخل علينا

اسآيرها تعاندني..
ثاني قصيده اقرآها واحس انها قويه..وفيها حزن اوب صآحي..





وقفه . ، . ، . ، . ،

ماكل من .~يضحك ][سعيدن][ بدنيآه
ومآكل من يبكي +|~.دموعه حزينه..

احدن بكا والكل يدري عن ،.،~بكآه
وأحدن مع ||الضحكه|| تحس بونينه...

هذي وآقعيه جدا جدا..
ومره شدتني..
وتم لطشهآ..



وقفه ثانيه . ، . ، . ، . ،

والمشكله دنيا بلا حب شينه..


لاتعليق..




طرح حزين..ونبي المره الجايه شي مافيه حزن^_^


مشكور..