صباح الخير .. يا قلب ٍ بنبضاته .. عرفت الخير

#1 (**permalink**) 11-01-2010, 04:28 PM

مدخــــل

الصباح اللّي بلا صوتك
يا عمري
مو صباح
شوفي حتى إن العصافير
هجرت
شمسه و فيّه .!

صباح الخير .. يا قلب ٍ بنبضاته .. عرفت الخير
....... صباح الطُهر .. يا عمري .. بدى بتفتيحة عيونك

أنا من حزة الليل .. وذنوبي تستخيرك .. مير :
...... خذاها من التعب .. وجهي .. بعد ما اتفقو يجونك

غريبه : قصة الغربه ..و الأغرب قصة التقصير
...... إذا ما انكتب .. للوصل : عُمر .. وساور ضنونك

وش أحكي:المدى ورده .. واحلام الطفوله طير
...... وشباك اللّـقا .. والليل .. ثلاث أيام .. يطـرونك

رسمتك للحنين .. قلوب .. أملها ف/الحياة صغير
...... ونفخت الصدق .. فيهم .. لين ما صارو .. يحبونك !

وجاي الحين تسألني : تضايقت بغيابي كثير
...... أجل ما تدري .. إني كل ما فكرت أبـ آخونك :

أحس روحي .. تبي تطلع ..أحسّك تخطي التفسير
...... وتـُمر كل لحظه .. بعمري .. قضيته معك وبدونك

وأهز راسي .. وأنا أدوّر .. لزلة خافقك تبرير
...... وأراجع كيف .. كنـّا نصون : عهد الحب وآصونك

"حبيبي" والله ما فيني .. تعبت أشتاقلك وآغير
....... بموت من الصبر .. لا تكون ناوي : تجدد طعونك

تخيّل .. من كثر ما أخلفت ظني .. بفطنة التفكير
.....أخاف أطريك.. بين الناس ..وأسهي ثم يشوفونك

حسافه : والعبث أصل الحقيقه .. والفضا تصوير
...... وشوّال الوعـد .. أقفى .. وهو ما حرّك شجونك

تخليني أفضفض لك .. أقول أنت بخفوقي غير
...... بعَْدها تقول خـلّ الشعر .. ولاّ .. بـ أقطف جنونك

يجيب الله : ضلوع جداد .. تقدر بالنهايه تصير :
....... على قد العشق .. دامك نسيت تقولي ..شـلونك ..!

مخــــــــرج

كل ضلع ٍ لا طريت إسمك
تغافلني وطــاح
كن ربي ما خلق بالكون
لك :غيري
ضحيـّه ..!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صباح الخير	سمو الاحساس	لُغَة الصور .. والكاريكاتير الساخِر	10	26-04-2010 10:38 PM
صباح الخير	سمو الاحساس	صهيل القصيد	6	27-03-2010 12:37 PM
{ صباح الخير يايمهـ صباح الخير ياعمري }~mms	محمد	الجوال .. و الإتصالات	12	19-02-2010 10:38 PM
صباح الخير	سمو الاحساس	لُغَة الصور .. والكاريكاتير الساخِر	9	19-12-2009 01:56 PM
صباح الخير..	شوق وحنين	صهيل القصيد	8	04-11-2009 02:12 AM

صباح الخير .. يا قلب ٍ بنبضاته .. عرفت الخير

صهيل القصيد