أبي لامن وصل صوتي يحس بضيقتي إنسان..

#1 (**permalink**) 01-01-2010, 03:57 PM

أبـي ابكـي من الضيقـة وابعـزف للهمــوم ألحــان
أبـي اطـلق مواوـيل الحــزن واطــرح دواوينـي

أبـي أشكـي أبـي احكـي ابوصف للبشــر حرمـان
أبيهــم كلهــم يــدرون أبيهـــم يشعــــروا فينـي

أبـي لا من طرى اسمـي بكـى من لوعتـي شيبـان
أبي لامن طرى"عــاشق" ذكر من كـان يغلينـي

أبيهـم يذكــرون أنـي بدمعـي صرت انـا غرقـان
أبيهـــم يعرفــون الهــــم هوّ اللـي يخاويـنـي

أبـي أصـرخ وأبلغهـــم وأقـول أن الفــرح خـوّان
يجي مـرة معـاي و هـو بطـول العمـر ناسينـي

أبـي اترك لهم قصــة وأخيّـرهـم علـى العنـوان
يسمــّوا "حـزن "يحطوا "دمـع"أنا ما عـاد يعنينـي

أبـي لامن وصـل صوتي يحـس بضيقتي إنســان
أبـي لامـن نـزف جرحـي لقيـت اللـي يداوينـي

أبـي شخـص يجي يمـي و يقفـل للعنـا بيبـان
أبيـه يكون لي خـلٍ علـى حزنـي يواسينـي

أبيـه لمركبـي مرسـى وأبيـه لغربتـي أوطـان
أبـي لامن ذرفـت الدمـع لينـه لـي يعزّينـي

أـنا ما أبيـه يصبح ضلع أبيـه يكون لـي ضلعـان
أبـي لا مـن مشـيت وطحـت حط يديـه في يدينـي

إلامـن خاننـي التعبـير أبيـه يكـون لـي لســـان
أبي لامـن سكتْ ألقــاه .يفهم مـن نظـر عينـي

أبـي لا من تعبت وضقت لــمّ الروح بالأحضـان
أبيـه يكـون لـي كتــاب إذا ضاعـت عناوينـي

أبـي أعشـق وأبي أغــرم وببنـي للهــوى بنيـان
أبيـه يكون مبنـى ضخـم ويسكــن فيـه مغلينـي

أبـي واحـد ويسكـن بـي وابطـرد لأجلـه السكّـان
أبـي يسكن وسـط قلبـي وعمـره مـا يخلينـي

أبـي أشعـل شمـوع الحب وباعطي من الغلا بسـتان
أبـي أهديــه باقـة ورد ..مسقيهـــا شرايينـي

مما راق لي//..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياشينها لامن بكت عين رجال ....	محمد	صهيل القصيد	9	22-02-2010 02:39 PM
قصص الأنبياء كاملة للدكتور طارق السويدان (صوتي)	ابو أسيل	روحانيات	14	18-01-2010 11:11 PM
..[[ تسجيل صوتي من هزازي يبري ساحة ياسر من التلفض عليه ]]..	الهلالي	الرياضة والشباب	4	25-06-2009 07:06 AM
مقطع صوتي لقصة وفاة ام محمد ( باص المدرسات التي حدثت قبل شهرين)	محمد	الجوال .. و الإتصالات	14	09-03-2009 06:17 PM
كيف تنزل مقطع صوتي...<<	محمد	افق تكنولوجي	19	09-07-2008 12:52 AM

أبي لامن وصل صوتي يحس بضيقتي إنسان..

صهيل القصيد