على طآري صبآح الورد,,~

#1 (**permalink**) 04-12-2009, 03:33 PM

على طاري صباح الورد , وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه

على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه

يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه

أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه

أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه

أحبك , إيه أحب إسمك .وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه

تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه

دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليتـه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
الانتقال إلى العرض العادي الانتقال إلى العرض المتطور العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صبآح آلخير صبآحڪَ وُرد وُفل وُلوُز }~	محمد	الجوال .. و الإتصالات	9	18-03-2010 06:46 AM
ياريحة الورد رح الورد بسبابك	سمو الاحساس	صهيل القصيد	8	04-12-2009 10:22 PM
\|°ღ يآ صبآح الأمآنِي ... صباح الخير= => ღ° MmS\|	محمد	الجوال .. و الإتصالات	10	16-10-2009 12:43 PM
ودست الورد لأن الورد مايسوى وهو ذبلان ..!	hamo0ode	صهيل القصيد	6	17-11-2008 02:20 PM
لو كنت ممحاه ماذا ستمح ؟	محمد	احتواء ما لا يحتوى	12	26-10-2008 11:24 PM

على طآري صبآح الورد,,~

صهيل القصيد