26-10-2009, 06:00 PM
|
| |
شفت الخيول الجامحة ؟؟ ... هذي أنا ..
شفت الخيول الجامحة ..؟ هذي أنا .. ناظر جموح الخيل تعرف عزتي
ما تنلجم خيلٍ ظهرها ما انحنى .. للذل .. يا نفسي على العز اثبتي
شفت النجم في الليل يرمي بالسنا .. أنا نظير سهيل حاذر رميتي
شفت الرماح الواقفة شفت القنا ؟ .. أنا القنا والرمح يشبه قامتي
شفت الرواسي الشم في وادي الضنا ؟؟ .. أنا شموخ جبالها في هامتي
يا حافر ٍ في صخرتي إلا العنا .. من نايبك والعز نايب صخرتي
انا الغدير العذب للصاحب هنا .. والنار أنا للي استهان بشوفتي
في العز لو موتي دنا..لو هو دنا .. احسبه أنا عيشي وغاية جنتي
وإذا دنت لي جنة الذل انثنى .. عنها فؤادي وارتضيت بجمرتي
الحر أنا المسلم لي العزه منى .. فيها الكرامة والكرامة غايتي |
المواضيع المتشابهه 
العرض الشجري
