مِستحي من حبّك الي ضمّه الصدر و تنوّع !!

#1 (**permalink**) 15-10-2009, 01:02 AM

كنت أقول إن ضاقت الدنيا توسع
وأتساءل ليه ضاقت في عيوني هالوسيعة

لين شفت الخافق اللي حب من جد وتولع
يحرمه وقته ،ووقته صارت أحزانه طبيعه

"منحرف حظي وأعرفه طول عمره ماتسنع"
من عرفت الشوق قاسي والهوى هذا صنيعه

ياحبيبي حط يدك فوق هالقلب وتسمع
بس لا تسأل دخيلك ليه دقاته سريعه

يوم شفتك والحكى عيا يجي مدري تمنع!!
والسكوت اللي ملى الدنيا مرافقني جميعه

يوم شفتك داخل عروقي نما عشق وتربع
يوم شفتك والحياة القاسيه صارت بديعه

كيف أعيش وبعدك أنفاسي بها موتي تمتع؟!
كيف وأحلامي غدت دونك" كوابيس شنيعه "

والحزن آه آه يالحزن فيني به الخافق تشبع
ليه حملني تناهيد وحملٍ ما أستطيعه

اااااه من قلبي وانا أشوفه مع الوقت يتقطع
يأمر عيوني تهل الدمع وعيوني تطيعه

لو بقول اني بموت أن غبت وربي ماتصنع
دامه غيابك له الآلآم ولوعات فضيعه

انت في بالك يوم فراقك يوم عادي مايلوع
تراني حاسب غيابك يوم من عمري فجيعه

ماتعبت؟؟ إلا تعبت وظلي ودروبي تطوع
والزمن يحفر مسافاتي غرابيل وخديعه

والذنوب اللي معي نبض من اللوعه تجزع
والخطى عشقي ولكن مالقى له من ذريعه

والعذاب اللي من أهواله صدري تصدع
مانزع روحي من ضلوعي ولا خذها وديعه

"مستحي من حبك اللي ضمه الصدر وتنوع"
مدري شايف ان الهوي فيني له سدودً منيعه

وانت عشقك غير .. كل العشق لو ربعه توزع
كل واحد ماعشق قلبك يبقى له صريعه

عاد تدري لو هوي كل الخلايق لك تجمع
مايجي ذره من إحساسي مدام انك شفيعه !!

ويازماني دامني ماقوى على عنادك تشجع
وارسم جروحي وانا بشكي على رب الشريعه

يالله اني طالبك من قلبٍ صافي ويتضرع
لا يجي بينه وبيني بعد وفراق وقطيعه

يالله اني طالبك وإن ضاقت الدنيا توسع
لين تفرج والحياة تصير بوجوده وسيعه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضيقة الصدر	سمو الاحساس	صهيل القصيد	14	16-03-2010 04:09 PM
الصدر ضاق	سمو الاحساس	صهيل القصيد	8	07-12-2009 07:41 PM
اضحك و وسع الصدر	سلطان الشوق	لُغَة الصور .. والكاريكاتير الساخِر	0	28-07-2009 02:50 AM
علاج ضيق الصدر	الخفاش الأسود	روحانيات	4	03-03-2009 09:09 PM
فتحت الصدر ..	حفيد مجمش	صهيل القصيد	20	28-06-2008 03:36 AM

مِستحي من حبّك الي ضمّه الصدر و تنوّع !!

صهيل القصيد