|
مصافحتي الأولى السلام عليكم ورحمة الله وبركاته كلّي شرف بأن أنظم الى منتدى بني عمي وهذي مصافحتي لكم عسى الله ان يكتب لها قبول عندكم ((( مساجلتي مع الشاعر / محمد بن دحيلان ))) أقول فيها
ياهاجسي سلم القصيد بنظامه=وزنه وقافه والمعاني بتعبير ماكل رجال انتسمع كلامه=ولاكل هرج نطبقه بالحذافير كلٍ على جهده وقد التزامه=احدٍ يقدر واحد من دون تقدير والمحترم يفرض علي احترامه=من لابتي والاعرفتة من الغيّر لايامحمد تستحق الزعامه=ولولا الزعامه ماعرفنا المشاهير ياللي بلغ في الشعر ذروة سنامه=والحق حق وللسوالف مصادير حنا رجال ولانحب الرخامه=نضرب على الكايد وماقدر يصير ماخاب ظن اللي يحطك حزامه=وأنته حزامي فالليالي المعاسير مزبان من وقته على الضيق ضامه=ولاينخي فالضيق غير المناعير انا احسب ان الوقت هون عرامه=واثره يابو مطلق يحوش الطوابير رد البرى معلن وركز خيامه=واسبر خيوله مقبلاتٍ مغاوير يالله عسى منه الفرج والسلامه=مرٍ مقابيلٍ ومرٍ مدابير ان جيت افكر فيه ألاوش علامه=ينشد فكري ماله أية تفاسير مدري حلاله وين وألا حرامه=متشابهٍ طبق الاصل بالتزاوير من عقب ضحكاته وكثر ابتسامه=كشر بنابه ياحمر العين تكشير عليه اثقل من رواسي تهامه=لو عند غيري ما عدل حبة شعير شمس الضحى غطت عليها غمامه=والعج سبب في صفى الجو تعكير من يشتكيه اكثر عليه الملامه=والحينه أشكي منه يالله عسى خير يقطعك يانفسٍ بليا كرامه=ويقطعك ياراسٍ بليا صعاطير حتى النعامه ويش ذل النعامه=قامت تعشى مع عكاف المناقير ولاقام حظ الا الردي والهلامه=وابن الحموله حظه انتج بتقصير وأسلم يابو مطلق وقافي ختامه=بالمسك والريحان وازهي النواوير ورد علي الشاعر محمد بن دحيلان .......
ياهجس بحر الشعر تسعين قامه=ولاحدٍ سبح غيرك بحورٍ غوازير ياكاسبٍ سيف الهلالي سلامه=وشلفا ذياب وعنتر وسالم الزير فيك المحيط الاطلسي وارتطامه=وصلف الرياح العاتيه والمعاصير واهدى من اللي ماتحرك ثمامه=لاساقها الغربي معه حزة عصير راعي المعاني فيك يلقا انسجامه=فرايد احلا من حليب المصاغير من عقب هذا مرحبا والسلامه=يابن الرجال اهل السيوف البواتير شعر الجزاله فوق صدرك وسامه=والحق ما يطلب ليا قيل تبرير شرواك ياناصر رفيعٍ مقامه=قرمٍ ادلالك بالمكارم مباهير ابشر ابعزك لابو اللي عظامه=لامن زهم تبرد ويلحقه تقصير حنا نحب اهل الوفا والشهامه=والنا مع اهل الطيب درب ومشاوير نصبر على صكات وقتٍ ،،أجسامه=اثقل علينا من(أبنات والنير) الوقت ميله ليل حالك ظلامه=والنور وقفات الوجيه المسافير والطيب ماكلٍ يجود اخطامه=كايد ولو ضير على النذل تضيير صبر الفتى لامال وقته ادعامه=والصبر مفتاح الفرج والتياسير وخير الليالي مستحيلٍ دوامه=مرٍ مجاهيمٍ ومرٍ مغاتير حنا نعرف اهل الظفر والصرامه=ولا كل قوم يحتمون المظاهير ناضع على الشي الحقيقي علامه=ونعرف خرافات القصص والاساطير ماكل من يحلم يحقق حلامه=ولاكل رجالٍ يحسب المخاسير طب الكسل والنوم موس الحجامه=والبطن تكشف علته بالمناظير والطير لو تفعل فعوله حمامه!!=ماشفت للصقار تقدير للطير والحظ له طيحه بعد واستقامه=والوقت له في كل الاجواد تأثير وقبل تحيّة من يقدّم سلامه=للطيب اللي له معزه وتقدير وسلامتكم |
وعليكم السلام ورحمة الله وبركاته صح لسانك أخوي ناصر بن عبود ولسان الشاعر محمد بن دحيلان مساجلة رائعة وجزلة ووجودك معنا في مجالس الرويضة هو الأروع بكل تأكيد مصافحة نمد لها أزهار ورياحين القبول اهلاً بك يالغالي وننتظر منك المزيد من الأبدائع دمت بخير |
يقـطـعـك يـانـفـسٍ بـلـيــا كــرامــه ويقطـعـك يــاراسٍ بلـيـا صعاطـيـر حـتـى النعـامـه ويــش ذل النعـامـه قامـت تعشـى مـع عكـاف المناقـيـر الله الله بيتين عن قصيدة كاملة يابو جويعد صح الله لسانك ولسان شعرنا الكبير محمد بن دحيلان وقصايد تعانق السماء بجزالتها سجل اعجابي ياطويل العمر |
الشاعر ناصر بن عبود اهلا وسهلا بك في مجالس الرويضة سعداء جدا بوجودك بيننا صح لسانك ولسان محمد بن دحيلان مصافحة أولي جزله اتمنى ان يدوم تواصلك معنا وهذا بالتأكيد يسعدنا ويشرفنا تقبل منى كل التحيا |
ابن العم وتاج الرأس (ناصر بن عبود ) صح لسانك وقصيدة جزلة ومعارضة جزله ولا تحرمنا من روعة حضورك |
هلابك مليون بينا وماأروع مابديت معنا به صح لسانك ولسان محمد بن دحيلان وبأنتظار جديدك ودمت |
ياهاجسـي سـلـم القصـيـد بنظـامـه وزنــه وقـافـه والمـعـانـي بتعـبـيـر مـاكــل رجـــال انـتـسـمـع كــلامــه ولاكــل هـــرج نطـبـقـه بالحـذافـيـر كــلٍ عـلـى جـهــده وقـــد الـتـزامـه احـدٍ يقـدر واحــد مــن دون تقـديـر والمحتـرم يفـرض عـلـي احتـرامـه مـن لابتـي والاعرفـتـة مــن الغـيّـر لايـامـحـمـد تـسـتـحــق الـزعــامــه ولولا الزعامـه ماعرفنـا المشاهيـر ياللي بلغ فـي الشعـر ذروة سنامـه والحـق حـق وللسـوالـف مصـاديـر حـنــا رجـــال ولانـحــب الـرخـامـه نضرب علـى الكايـد وماقـدر يصيـر ماخـاب ظـن اللـي يحـطـك حـزامـه وأنتـه حزامـي فالليالـي المعاسـيـر مزبان من وقته على الضيق ضامه ولاينخـي فالضيـق غيـر المناعـيـر انا احسـب ان الوقـت هـون عرامـه واثره يابو مطلق يحوش الطوابيـر رد الـبـرى مـعـلـن وركـــز خـيـامـه واسـبـر خيـولـه مقـبـلاتٍ مـغـاويـر يالله عسـى منـه الفـرج والسـلامـه مـــــرٍ مـقـابـيــلٍ ومـــــرٍ مـدابــيــر ان جيـت افكـر فيـه ألاوش عـلامـه ينـشـد فـكـري مـالـه أيــة تفـاسـيـر مــدري حـلالـه ويــن وألا حـرامــه متشـابـهٍ طـبـق الاصــل بالتـزاويـر من عقب ضحكاتـه وكثـر ابتسامـه كشـر بنابـه ياحمـر العـيـن تكشـيـر علـيـه اثـقـل مــن رواســي تهـامـه لو عند غيري ما عـدل حبـة شعيـر شمس الضحى غطت عليها غمامه والعج سبب في صفى الجـو تعكيـر مـن يشتكيـه اكـثـر علـيـه المـلامـه والحينه أشكي منه يالله عسى خير يقـطـعـك يـانـفــسٍ بـلـيــا كــرامــه ويقطـعـك يــاراسٍ بلـيـا صعـاطـيـر حـتـى النعـامـه ويــش ذل النعـامـه قامـت تعشـى مـع عكـاف المناقـيـر ولاقــام حــظ الا الــردي والهـلامـه وابن الحموله حظـه انتـج بتقصيـر وأسلـم يابـو مطلـق وقافـي ختامـه بالمسك والريحان وازهي النواويـر ماشاء الله عليك قصيدة قوية تستحق المصافحة الاولى بن عبود صح لسانك ولسان الشاعر بن دحيلان وننتظر المزيد |
صح لسانك ولسان الشاعر محمد تسلم يالغالي |
صح لسانكم جميع قصيده بمنتهى الرووووعه لاتحرمنا اروع الديكـ دمت بسعاده ومحبه |
اقتباس:
صح بدنك ومشكور على مرورك الأول من هنا ولي الشرف ان اكون بين ربعي وجماعتي وانتم يااهل الرويضه علمك غانم بين القبايل ونفتخر بكم سلمت ودمت ولاهنت على ماقلت ,,, |
سعد بن تويم شهادتك افتخر فيها يابومحمد صح بدنك ومشكور على مرورك من هنا سلمت ودمت ,,, |
شعرائنا الكرام ناصر بن عبود ومحمد بن دحيلان صح احساسكم ونبضكم للمحاورة الأكثر من رائعة كل الود لكم إيمان |
| الساعة الآن 12:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : SEO by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..