مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)
-   صهيل القصيد (http://www.rwwwr.com/vb/f58.html)
-   -   بنت تطالع شاب>>رووعه , (http://www.rwwwr.com/vb/t30861.html)

محمد 03-10-2009 08:48 PM

بنت تطالع شاب>>رووعه ,
 
بنت كانت تطالع بشااااب
المهم الرجال طلع شاعر



وماقصر فيها كم بيت عشان تتأدب



لكن المفاجأة هي ؟؟؟؟؟



وش صار ؟.؟










تابع القصيدة



يقول:











كل شبر بهالوسيعه ملك ربي تعلمين
وأعلم إن اللي خلقني هو خلق لك هالعيووون
لكن انتي من جلستي وانتي فيني تحدقين
كن ما به ناس غيري بهالكراسي يجلسوون



لو سمحتي عاد أسمعي وحتى لو ما تسمحين
المهم اللي بقوله تسمعينه و يسمعووون




ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحووون



الركادة عاد زينة والحياء في البنت زين
وفيك جآزم لا ركادة ولا حياء يذكرووون





تعرفيني ؟! أعرفك ؟! ماأذكر إنا ملتقين
لا أعرفك من تكوني و لا تعرفي من أكووون
وإطمأني إن كان قصدك بس فيني تشبهين
ما هو أنا إلي تعرفيه والبشر يتشابهووون
مادريتي من التشابه يخلق الله أربعين
وأعرف أربع يشبهنك بس والله يستحووون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجووون





وإذا ببالك عاجبتني لا يحوشك تحلمين
صح ربعي من جمالك فيك صار يمدحوون
بس وش لي في حلاتك دام فيها ترخصين
حشمة البنت وحياها والكرامة يلفتوون
ولو توفر فيك هذا مع حلاتك تبشريين
ما هو أنا ألف غيري باب بيتك يطرقووون
وش علامك رغم كل اللي أقوله وتسكتين
مو طبيعي هالسكوت وهالبرود وهالسكووون
إنتي خرسا أسألك ولا منتي تسمعين؟؟
قالوا ربعي ذي كفيفه قلت لا لا تمزحوون
لين شفتك يوم رحتي يمسكونك باليدين
ما دريت إلا عيوني أربع أربع يذرفوون




آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفه يالعفيفه إن قلت آسف تقبلين؟؟
يغفر الله ذنوب عبده ليا خطا وهل تغفروووون ؟؟؟



انشاالله عجبتكم..


شوق وحنين 03-10-2009 10:10 PM

رد: بنت تطالع شاب>>رووعه ,
 
حرااااااااااااا ااااااااام....م ن جد ...يعطيك العافيه ابدعتي ياالغزال الشارد..ومشكورر رررره .....

سمو الاحساس 03-10-2009 11:09 PM

رد: بنت تطالع شاب>>رووعه ,
 
ابداااع

ربي يعطيك العافية

محمد 04-10-2009 01:44 AM

رد: بنت تطالع شاب>>رووعه ,
 
هههههههه تسلمون والله

محمد 04-10-2009 01:50 AM

رد: بنت تطالع شاب>>رووعه ,
 
واااااااااااااا اااااو روعه من جد خياااااااااال سلمت يمناك وصح السان شاعرها


الساعة الآن 05:43 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
- arab-line : SEO by vBSEO 3.3.0 TranZ By Almuhajir

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w