ضرب المرأه يا ناس ما هو رجوله

#1 (**permalink**) 01-10-2009, 08:28 PM

ضرب المرأه يا ناس ما هو رجوله
وما ظنتي من يضرب البنت رجال

لا والله انه ما يعرف الفحوله
وبالمهزله يضرب به أمثال وأمثال

وبعض البشر يقهرك باللي يقوله
جاهل يدرس له ملايين جهال

أكبر طموحه يعمل أصغر بطوله
عنوانها دم المرءه ما بعد سّال

الضرب للزوجه هو افضل عموله
ويا كثر ما جابوا من أقوال وأقوال

كم جاهل ٍ فيهم تردت فعوله
وكم عالم ٍ ما يتقي شر الأعمال

يلعب ويضرب في بنات الحموله
أحلى االتفاهم عنده بسوط وعقال

لا عاش رجل ٍ كل هذا ميوله
ولا عاش من يتبع حكايات الأنذال

ناس ٍ لهم بالجهل صوله و جوله
اكبر طموحه عيشة البنت في أذلال

عايش وبالقوه يدبر حلوله
يسمع نصايح ناس مجموعة حثال

الشرع قال أدب وطبقت قوله
ما قال عذب و اضرب بحقد وخبال

لكن بعض الناس حرف نزوله
والمسأله صارت بطولات وابطال

والعلم ما كل ٍ يطبق أصوله
عشنا وشفنا من مصيبات واهوال

ناس ٍ بنو للمجد مليون دوله
وناس تموت وما بنت نصف تمثال

ودرب العلا ما كل واحد يطوله
ما طاله إلا شخص واعي وخيال

ولا هنت يلي كم بيت ٍ تعوله
يلي لكم بالعز رايه ومنزال

ناس ٍ لفعل الشر ما هي عجوله
تعطف على الحرمه ولا تحقر أطفال

الله يعز اللي يعيش ابسهوله
والله يبدل للبشر بعض الأحوال

والله يرزقني ببنت ٍ خجوله
أطرب لها قيفان وأبدع لها أمثال

واغيض منهو مر حولي وحوله
واشفي غليلي من حقودين عذال

واقهر عديم المرجله والفحوله
واقول يا جعلك من الكون تنشال

وان قال ضرب البنت أكبر رجوله
قولوا له انه ورع ما هوب رجال

مما راق لي ...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فن لا تقدر عليه الا المرأه...!	محمد	الوقاية خير من الف علاج	9	05-12-2009 10:11 PM
اذا ساقت المرأه	فيصل	لُغَة الصور .. والكاريكاتير الساخِر	18	18-07-2009 06:02 PM
من أين تأتي دموع المرأه	محمد	الوقاية خير من الف علاج	4	01-05-2009 01:57 AM
الفرق بين الرجل و المرأه ....‎	الـراسـي	لُغَة الصور .. والكاريكاتير الساخِر	15	07-04-2009 02:25 AM
المرآه	الرمح	احتواء ما لا يحتوى	8	16-01-2007 07:36 PM

ضرب المرأه يا ناس ما هو رجوله

صهيل القصيد