طبعي اغرب ... والغريب اني غريب !!!!

#1 (**permalink**) 26-09-2009, 04:35 AM

ايـه انا اللي عشت /بالدنيا غريب
ما عرفت اللي أبي /وسط الزحام

يمكن اتغلــّـى/ و لكن ما اغيب
يمكن اتشـرّه/ و لكن باحترام

( ما هو اكبر هــم / ادوّر لي حبيب)
و الطموح ابعد / من احدود الغرام

و ان عشقت ..؟ / العشق و الله ما يعيب
دام لي مبدأ/ و قيمه/ و اهتمام

شفني كيف ارمي يديني / " بالقليب "
ما لقيت الا الصدى / وسط الظلام

و الصدى ( جاوب) / و انا ماقدر ( اجيب )
و ادري اني ( لو ابي جبت الغمام )

كل من حولي / على افعالي رقيب
و القرايب همــّـهم / بس الملام

خيـــّبوا فيهم /ظنون ٍ ما تخيب
لين حدّوني / على عيال الحرام

يحسبوني لا تردّا بي / نصيب
برمي احزاني / على قلوب الأناام

مندفن في وسط صدري / قلب ذيب
ما دِفنت الراس / يا روْس النعام

صرت اضـم ّ الجرح بعيوني / و اطيب
و اجمع همومي / على صدري .. و انام

يا قصيدي و انت لي / حسبة صحيب
تفزع لهمـّـي / اذا شح ّ .. الكلام

خلــّـك لأوتار حزني / عندليب
دام بين الليل/ و الصبح انسجام

لا تحط ّ اللوم /كله بالنصيب
و لا تخليني / على حد ّ ..انهزام

طبعي أغرب / و الغريب/ اني غريب .!!
ما عرفت اللي أبي /وسط الزحام

هزت مشاعري
الفجر البعيــد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عزيز النفس انا طبعي ولا هز الفكر مملوح’’	باريس هيلتون..~\|	صهيل القصيد	10	09-04-2010 11:52 PM
هذا ( انا ) طبعي كذا وانت مشكور	صديقة القلم	صهيل القصيد	12	18-11-2009 03:17 PM
كل شئ غريب	سمو الاحساس	لُغَة الصور .. والكاريكاتير الساخِر	6	05-10-2009 01:53 PM
قنص غريب	سمو الاحساس	لُغَة الصور .. والكاريكاتير الساخِر	18	10-05-2009 07:34 PM
شئ غريب ....	ابو طارق	روحانيات	9	21-06-2008 04:51 AM

طبعي اغرب ... والغريب اني غريب !!!!

صهيل القصيد