| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |
25-09-2009, 03:35 PM
| |||||||||
| |||||||||
يـــــابـــــــ ـــــــــــــوي يارب ياعالم بكتمان الصدور ومايجول صفّ النوايا في نفوس ٍ للحياة مودّعه يالله وانت أعلم بغاية نيتي واللي أقول القلب وإن دار الزمن تبقى الهداية مطمعه والشعر والله ماهو بكيفي وأنا شاعر ملول الشعر لامن حام بأسراب الفكر جاوب معه يابوي وانت الله عطاك من المهابه والقبول يوم الشعر باللي مثل شروى جنابك.. ترفعه لا لا تحاتي .. يابعد راسي عسى عمرك يطول لا صرت من خوفك علينا / زود حرصك تتبعه من رحمتك فينا تَعَلَّمنا عن الرحمه فصول من قلبك الوافي عرفنا كل خير ٍ ندفعه ياما على الدم والقرابه تصبر وشلت الحمول ياما عملت ومادروا لجل القرايب تجمعه من كثر ماوصيتنا بوصل الرحم ظنت عقول: إن الرَحَم أولى من الوالد بطيب ومنفعه!! يابو الفقير اللي تضايق مالقى ف عمره حلول يابو اليتيم اللي انمسح بأطراف كمك مدمعه من يجهلك يا اللي جرى طيبك كما مجرى السيول ما يجهلك غير الجحود اللي ظنونه تخدعه ياالحاسم اللي نعرفك ماتقبل أنصاف الحلول كل ماذكرناْ إنك ورانا.. ناخذ الدنيا سعه يامروّض صعاب الزمن مهما الصعايب بك تحول ماهو مثل من قال: إن طاع الزمن.. وإلا طعه إنت المواقف في حضورك ماهي بأقوال وفعول إنت الفعل يسبق كلامك لين غيرك يسمعه يابوي لو ماعادتك بالطيب والفزعه عجول ماضاق ديوانك وبيبان البيوت مشرّعه ماقد خذلت انسان جاك ولا رجع منّك جفول يوم إن أغلب هالبشر حتى الأخو ماينفعه نلت المهابه من شيوخ ٍ يوم غيرك ماينول إلا انهم..؟؟ وإلا بلاش.. أسكت وغيري يطلّعه أدري القصايد في رجا حضرة جنابك ماتطول من رُبْع ماتفعل يمينك يافخرنا ومنبعه كم شاعر ٍ قبلي تغنى وجاك فأبياته خجول با الله قلي: كم قصيده فالدروج موزعه؟؟ وأدري الشهاده فيك مجروحه ولكني بقول إن الشواهد في كلامي ياعرب تستشفعه لكن وانا ابنك مانويت أكتب وأنا شاعر ملول بس الشعر لا لاح لي.. مافيه شي ٍ يردعه!!
 |
|
25-09-2009, 03:56 PM
| ||||||||||||
| ||||||||||||
|
رد: يـــــابـــــــ ـــــــــــــوي
الله الله فالك المليوون.. عزالله انها ماعليها كلام.... كل الشكريات
|
|
25-09-2009, 03:59 PM
| |||||||||||||
| |||||||||||||
|
رد: يـــــابـــــــ ـــــــــــــوي اسايرها اختيار جميل كجمال حظورك لاهنت
|
|
25-09-2009, 04:49 PM
| |||||||||||
| |||||||||||
|
رد: يـــــابـــــــ ـــــــــــــوي بقاااااايا فااااالك الخير اسعدني تواااجدك العطر ربي يعطيك العافيه |
|
25-09-2009, 04:49 PM
| |||||||||||
| |||||||||||
|
رد: يـــــابـــــــ ـــــــــــــوي سمو الاحساااااااس الروووعه في مرووووورك يالغالي لاهنت اخووووووي |
|
| مواقع النشر (المفضلة) |
|
|
 |  |
! حظاً آوفر , لـستـم مثلهـآ ! .gif)
العرض المتطور
