|
(( فتاة المملكه )) للشاعر / مسلط بن حسن العتيبي الراس شاب وتوني ياناس فـي عـز الشبـاب من كثر ماجربت واللـي جربـوا شابـوا بهـا نمشي ورى الدنيا كما الضميان لاشاف السراب وسط الخلا يبغـى غديـر صافـي مشروبهـا لكن جاه الموت وأثر الموت فـي فـي الرقـاب ياكثـر نـاس مثـل حالـه ماخـذت مطلوبهـا تجري مثل جري الوحوش ولاتحوش إلا النصاب أحد رضى باللي كسب وأحـد جحـد ماجوبهـا والناس ماترضى إلين تحط من تحـت التـراب المـوت يرضيهـا ويستـر سدهـا وعيوبـهـا وحنا بوقت كل علمانـي يبـي نطـل الحجـاب يبغـى فتـاة المملكـه تكشـف وتنطـل ثوبهـا يبونها تلبس جنوز مـن عقـب لبـس الثيـاب وتظهـر مفاتنهـا وزينتهـا وحلـو إسلوبـهـا وتسوق في وسط الشوارع والصحاري والشعاب وتلقـى شبـاب فاسـد بسلوبـهـم لعبوبـهـا وجابوا لنا علـم جديـد جالـب كـل الخـراب أعيـاد حـب كـل محبوبـه مـع محبوبـهـا وكثرت ذنوب تنجلي منهـا مخاييـل السحـاب من عقب ماتبـرق وترعـد ماتهـل نصوبهـا والله يستـر لايجينـا مـن سبايبهـم عــذاب من قبلنا راحت شعـوب مـن فعـول ذنوبهـا واليوم عيت لاتشوف أبصارنا الحـق الصـواب ضاقت فجوج الأرض وأنسدت جميـع دروبهـا لازم نعـود للحديـث وكـل مايحـوي الكتـاب من شان ناس عايشـه والشـر وسـط قلوبهـا ماهمنا اللي قاعـد ينبـح مثـل نبـح الكـلاب لا يحسب إنـه مثـل أسـود كشـرت بنيوبهـا وأخر كلامي بطلب الرحمن في يـوم الحسـاب تغفـر ذنـوب المسلميـن بشرقهـا وغروبهـا |
رد: (( فتاة المملكه )) للشاعر / مسلط بن حسن العتيبي سلطان صح لسان الشاعر مسلط وسلمت يداك على النقل بس اليوم وين لقيت سلطان ومسلط وخذيت من قصائدهم انا امس اطلب سلطان يرسل لي قصيدة الاخيرة ويقوول بعدين |
رد: (( فتاة المملكه )) للشاعر / مسلط بن حسن العتيبي صح الله بدنك توني مكلم مسلط ويقول حط الاسم ثلاثي وتطلع لك قصايده في قوقل وشاكر لك مرورك |
رد: (( فتاة المملكه )) للشاعر / مسلط بن حسن العتيبي صح لسانك وعلا شانك وتستاهل بنت المملكه فجمالها في احتشامها |
رد: (( فتاة المملكه )) للشاعر / مسلط بن حسن العتيبي اختيـار رائــع لشاعر مثل مسلط يعطيك الف عافية |
| الساعة الآن 05:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : SEO by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..