| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack  | أدوات الموضوع | إبحث في الموضوع | تقييم الموضوع | انواع عرض الموضوع |
| |
02-09-2009, 06:34 AM
| ||||||||
| ||||||||
قصيده نهايتها >>>لاتفوتكم هي قصه بنت كلمت ولد لا تفوتكم جدا رائعه>>> ان شاء الله تعجبكم وتضحكم البارحة جاني مـن الحـب مرسـال .....من عقب ما بينـي وبينـه خصيمـة وانا ترى في الحـب مانيـب فعّـال .....ولا بعـد ولّـع بقلبـي هشيـمـه ولا بعد غنّيت فـي ساعـة وصـال ......ولا بعد ذقـت الفـراق وجحيمـه ولا جرى دمعي على الخـد همّـال .....ولابعـد جربـت مــرّ الهزيـمـة حتى وردنـي تالـي الليـل جـوال .....وانا على شاهي وبسكـوت ديمـة الرقم بايخ لكـن الصـوت قتـال .....كنه مثل صـوت المذيعـة حليمـة قالت مساء الخير يـا طيّـب الفـال.....قلـت ارحبـي ترحيبـةٍ مستديمـة بالعود والصفـري ودلـة وفنجـال .....واجبك يا بنت الأصـول الكريمـة ردت بضحكة ثم قالت وش الحـال؟.....قلت اشهد إن الحال عقبك سقيمـة قالت وهي تضحك بعد مثل الأطفال.....وان ـا بعـد كنـي بدونـك يتيمـة من يـوم قالتهـا تزلزلـت زلـزال.....من فجعتي كنـي مسـوي جريمـة قلت ارفعي صوتك ترى مابه ارسال.....كـذاب لكـنّ المصيبـة عظيمـة قالت أقول اسمع ترى هرجنـا طـال.....ممكـن تصاحبنـي ترانـي وسيمـة واسمي الحقيقي أول حروفـه الـدال.....لكـن يسمّونـي البنـات الزعيمـة صحيح أحب الفخفخة واعشق المال.....لكـن ترانـي طاهـرة مستقيـمـة ما عندي امغازل ولا (لعب يهّـال).....ما عندي إلا في الشرف والحشيمـة بس الصراحة قلبي لشوفتـك مـال.....واصبحت وحدك جالسٍ في صميمه فكّر بعقلك واترك القيـل والقـال.....واح ذر تطيع اهل العقـول العقيمـة وارسل علي الحين خمسميـة ريـال.....أشحن بهـا جـوال أختـي غنيمـة أو طقم غالي فيه خاتـم وسلسـال.....أرو ح بـه فـي عـرس ولاّ عزيمـة قلت الحقيقة مانيب رجـل أعمـال.....ولان ـي بتاجـر والمـوارد عديمـة أنا الصراحة شبـه عطّـال بطّـال.....وعلا قتـي بالفقـر جـداً حميـمـة والراتب الله يرحم الحـال مـا زال.....محـدود والمصـروف ربـي عليمـه والدين بـالآلاف والبنـك شغّـال .....ياكـل فلوسـي بالربـا والظليمـة والسوق طايح والغلا ضيّـق البـال.....والم وت والله صايـر اكبـر غنيمـة قالت تحمّل بـس والحمـل ينشـال.....خلك شديد الباس صلـب العزيمـة ياخي تصرّف جعلك اتصيـر نشّـال.....أهـم شـي إن النوايـا سليـمـة لابد تفهمني علـى كـل الأحـوال.....ما دمت من أهل العقـول الفهيمـة قلت إيه والله فاهم اللي على البـال.....لكن تـرى هـذي علينـا قديمـة يا بنت هـذا صايـر اليـوم مـوال.....للي تبي تلعب علـى ابـن اللئيمـة يا بنت ما تدرين كـم فيـه محتـال.....يلعب على الحبلين وانتـي غشيمـة يا بنت كم من جاهلة دمعها سـال.....من عقب ما جات العواقب وخيمـة والبنت لا اقفى عرضها بيد الأنـذال.....وا لله مـا يبقـى لهـا أي قيـمـة قالت تبي ولاّ فخلّك علـى جـال.....مهوب ناقصـني نصايـح حكيمـة عز الله إنك للأسف منـت رجّـال.....وانك قليل الذوق ما فيـك شيمـة يا لعنبو اللي مـا يسطّـرك بنعـال.....حتـى يعلمـك الغـزل يـا بهيمـة ( تفو ) عليك وصكّت الخط في الحال.....مدري ( تفو ) هي مدح ولاّ شتيمـة  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لاتفوتكم وهج السهول متألقه !! | محمد | مرفأ البداية وروح التواصل | 14 | 19-08-2009 03:20 AM |
| شمس نهايتها الغروب&&لكن شمسي لن تغيب.. | محمد | حكايات من الوجد | 3 | 03-07-2009 11:17 AM |
| قصة رائعة ( لاتفوتكم ) | محمد | حكايات من الوجد | 10 | 06-06-2009 01:59 AM |
| صور بنت تغتصب ولد لاتفوتكم؟؟؟؟؟؟؟؟؟؟؟؟؟ | الـراسـي | لُغَة الصور .. والكاريكاتير الساخِر | 18 | 31-07-2008 01:34 AM |
| الشرقية بالصور لاتفوتكم | سيوف | منتدى السفر والسياحه | 18 | 20-04-2007 12:23 AM |
 |  |
العرض الشجري
