عديت بمرقبن والليل ممسيني

عدّيت في مرقب ٍ و الليـل ممسينـي

بديـار غُـرب ٍ لعـلّ السيـل مــا جـاهـا



أضحك مع اللي ضحك و الهمّ طاويني

طيّـة شنـون الـعـرب لا قـطّـروا مـاهـا


وراك مــا تزعجـيـن الـدمــع ياعـيـنـي

علـى هنـوف ٍ جديـد اللبـس يزهـاهـا


هبّت هبوب الشمال و بردهـا شينـي

مــا تـدفـي الـنـار لــو حـنـا شعلنـاهـا


مـا يدفـي إلا حشـا مريوشـة العينـي

و إليـا عطشـنـا شربـنـا مــن ثنايـاهـا


ابــو عـيـون ٍ لـيـا سـلـهـم تناجـيـنـي

يـاقـرد عـيـن المشـقّـا كـيـف يقـواهـا


يـا شبـه وضحـى فـتـاة ٍ دلّـهـا زيـنـي

داجـت علـى عقلـة ٍو الــورد ماجـاهـا


يا علّ من شار بالفرقى عمى العيني

مخبـاط صمعـاً جليـل الفخـذ يشظاهـا


جعله حسيـر ٍ كسيـر ٍ و راكبـه دينـي

و أتـلـى حـلالـه ذلــول ٍ راح يـطـلاهـا

أضحك مع اللي ضحك و الهمّ طاويني

طيّـة شنـون الـعـرب لا قـطّـروا مـاهـا

ذوق ذوق قليل فيك

يعطيك الف عاافيه

سمو الاحساس
الظاهر ولله العالم ان هذي اول قصيده مغناه في المملكه غناها سلامه العبدالله
قبل فتره طويله جداً حوالي
حول خمسه وربعين عام

ماقصرت على النقل الجميــــــــــ ـــــل

وهج السهوول


اشكرك اشكرك اشكرك


لاعدمتك

جساس

كلامك صحيح قديمة جدا

بس عاد بالضبط كم لها مادري

سرني مرورك يالغالي

لاعدمتك