يكلمني عن جروحه .. وأنا من سبِّته / مجروح !!

#1 (**permalink**) 26-07-2009, 04:27 PM

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأتمنى وصاله

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!

من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقهور/ه..؟ مجروح /هـ.. ...‏ماتسوى..	شوق وحنين	احتواء ما لا يحتوى	7	13-01-2010 01:23 PM
عروض وهدايا تنهال على ---------الزيدي قُبيل خروجه من السجن	السفير	احتواء ما لا يحتوى	4	12-09-2009 09:04 AM
مجروح فدوه ولكن صعب وحداني	اسايرها تعاندني	صهيل القصيد	6	09-09-2009 04:53 AM
يكلمني عن جروحه .. وأنا من سبِّته / مجروح	محمد	حكايات من الوجد	7	05-05-2009 11:35 AM

يكلمني عن جروحه .. وأنا من سبِّته / مجروح !!

صهيل القصيد