اهديكم هذة القصيدة مما راق لي

#1 (**permalink**) 13-07-2009, 06:46 PM

أذنك بسافر ايام واجيك
وان طالت ايام السفر لاتحاتي

حتى ولو طولت ماني مخليك
ياللي بدونك ويش تسوا حياتي

تامر علي حاجه ؟باودعك واليك
عسي عوض الايام في المقبلاتي

حتى يدي ماودها تفارق يديك
ساكت وانا اشوف البلا في سكاتي

ماشفتني لارحت منك التفت فيك
بلاي والله روحتي والتفاتي

لكن قبل ماروح ودي اوصيك
وانت الوحيد الي يقدر وصاتي

لحد"سألك وقال لك وين مغليك
قله لوازم..... لاقضاها بيآتي

وان طرو النسيان مانيب ناسيك
ياراس مالي في الحياه وغناتي

وان طرو السلوان مانيب ساليك
طيفك معي حتى وانا في صلاتي

قلبي وهو قلبي اذا مر طاريك
لولا ضلوعي كان عزوا مماتي

لو جض صدري كان يمديه يأتيك
ويبات عندك ويهنا بالمباتي

انا وقلبي والغلا ساكن" فيك
وانته وقلبك والغلا وسط ذاتي

غلاك مثل الحكم عند المماليك
اكبر طموحي( لا ) كل امنياتي

شف في غيابي اي حاجه تسليك
لاني بعدك اسلآ مع ذكرياتي

احاول اذكر اي شي يطريك
واقول هو سوء وانا ذي سواتي

كني موادع كل شي حواليك
كني حسبت احساب حزت وفاتي

احب لاني مااقدر انساك وابيك
ولا اقدر اخليك ياالي تحاتي

معنى احب ولااقدر انسى واخليك
يعني بدونك ويش تسوا حياتي

منقول

#2 (**permalink**) 13-07-2009, 06:52 PM

صح لسان قائلها ،،،، ولشكر لك على الذوق الجميل

#3 (**permalink**) 13-07-2009, 07:08 PM

الله الله الله ..

ابدعتي في اختيارك حبيبتي ..

دامت لنا هالذائقه وصاحبتها ..

#4 (**permalink**) 13-07-2009, 09:05 PM

جساس1 شكرا لك على المرور

#5 (**permalink**) 13-07-2009, 09:08 PM

خالدية كووول شكرا لك على المرور

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اهديكم هذه الهدية البسيطة الغالية على قلوبنا فأرجوا ان تقبلوا هديتي	الساري	روحانيات	18	19-10-2009 09:21 PM
القصيدة المحمدية	( بحر الاحزان )	روحانيات	15	05-08-2009 07:41 PM
طريقة تنسيق القصيدة الشعرية	محمد	صهيل القصيد	11	08-02-2008 08:44 PM
فيروز وأنتِ أجنحة ٌ القصيدة	مازن دويكات	ركنك الهادي	1	03-06-2007 06:23 PM

صهيل القصيد