| |
28-06-2009, 11:50 PM
| ||||||||||||
| ||||||||||||
قصيدة مؤثرة  السلام عليكم ورحمة الله وبركاته قصيدة مؤثرة لشاب فقد امه في حادث معاها.. لا حـــول ولا قوة إلا بالله قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه يواسيني وانا الميت وحالي يجبر الدمعات.. تسيل من الذي فيني ويبكي وهو يواسيني.. وانا ابكي واتنهد وارسم بالحزن لوحات.. يجبروني عشان امشي ورجلي ما تمشيني.. قتلت رعايتي بيدي قتلت الحب والرحمات .. حرمت النفس من حقها وانا ابكيها وتبكيني.. وكنه حلم قدامي يقيدني من الصرخات.. ابي اصحى ولكني عجزت القى الي يصحيني.. فداك القلب يايمه ومهما قلت من كلمات.. صغيره في كبر حقك بس اتمنى تعذريني.. نهبت الفرح من بيتي صحيح اني خسيس الذات .. صحيح اني ولد طايش وكل ما أسمعه فيني.. تجول عيونهم فيني تفصل مني قياسات.. وتشيح وجوههم عني وكني غيرت ديني.. يظنوا حزنهم اكبر وهم اصحاب هالمأساة .. وانا اتحدى اذا فيهم ربع ما يحترق فيني.. نقص قدري بعد موتك وغابت نشوة اللذات.. وصار الهم عكازي اباكيه ويباكيني.. عطيتيني بدون حساب ولا سمعتك تقولي هات.. وانا اشرب حيل من دمك ودمك ما يكفيني.. يايمه ارجعي كافي ابجلس معك لو لحظات.. واقبل ايدك ورجلك وافرش لك رمش عيني.. يايمه ما تحملهم يقولوا فات ما قد مات.. تعالي غيري هالقول واطيعك باقي سنيني .. واترك عادة التدخين وانفذ ما تبي بسكات .. واصلي الفجر في المسجد قبل منتي تصحيني.. يايمه ارجعي تكفين وطفي شمعة الآهات.. ابيك انتي ولا غيرك على موتك تعزيني.. وضميني وداويني مثل ما كانت الهقوات.. ما ابي احدن يواسيني ابيك انتي تواسيني.. دخيلك بس لا تبكي اذا شفتي بي الدمعات.. انا مقوى ابكيك اذا انتي تبكيني.. 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصص مؤثرة جدا ومبكيه | ابو أسيل | حكايات من الوجد | 10 | 08-02-2010 08:43 PM |
| قصة مؤثرة إلى البيت العتيق | أبو ريماس | روحانيات | 8 | 28-11-2007 10:56 AM |
| قصيدة مؤثرة جدا | سيوف | نشيد الروح | 13 | 08-06-2007 06:54 PM |
| صورة مؤثرة | لؤلؤة المستقبل | روحانيات | 9 | 15-12-2006 12:35 AM |
| مسجات شعر مؤثرة!!!!! | آلعوٍد آلازٍرٍقـ | الجوال .. و الإتصالات | 5 | 14-12-2006 08:18 AM |
 |  |
العرض الشجري
