ماهي بقصة حقد وحسابات شخصيه

#1 (**permalink**) 02-06-2009, 03:23 PM

ياصاحبي لاصرت ماني ذو أهميه
والقائمه عندك تطول وكثروا احبابك

والعشره اللي بيننا ميَه على ميَه
بدلتها...ماكنَك الا مبدَل ثيابك

واحلام لكن مثل ماقد قيل ورديَه
حطَمتها وأدرجْتها بقاموس ألعابك

والآن ماانت بسائل فيها ولا فيَه
سكَرت في وجهي الطريق وكل أبوابك

حسستني إن العلاقه حيل عاديه
ومستخسر انتْ تعدني من جملة اصحابك

من وين جبت النرجسيَه والأنانيَه
وجنسيَتي جنسيَتك..وترابي ترابك

والرابط اللي بيننا إســم السعوديَه
أنكرت ماأنكرت..لازم تحسب حسابك

الناس ماهي لعبه بيدَك ولا هيَه
بثيابك اللي لازهقت..تروح دولابك

الله واكبر يامعلمني الرومنسيَه
علمتني حتى عشقت ونلت إعجابك

وابدعت في شتى المجالات الغراميَه
وسميتني التلميذ الاول بين طلابك

صقلت فيني موهبة شعر وشفافيَه
والناتج اني صرت الافضل بين كتابك

وانصبَ تركيزي على صوره جماليَه
رمَانك أحياناً..أبي..و أحيان عنَابك

ياحووول ويش آقول والموته آساسيَه
الزبده إني كنت فيك اموت واحيابك

والموته اللي فيك من جدَ أنتحاريَه
ماكني الا عضو في تنظيم إرهابك

بثَيت فيني ميزة الروح القتاليَه
غرَرت بيَ وعقبها كشَرت بانيابك

والحين أحس انك معاي مبيَت النيَه
تبعد شوي شوي..لا لا..وفَر أتعابك

إلى هنا..وعندي ردود افعال عكسيَه
تتضمَن اني انسحب واستأنف عتابك

الود ودي نقلب الدعوات رسميَه
وتعيش بغيابي مثل ماأعيش بغيابك

مادام منك الجرح سبَب لي حساسيَه
حتى كرهت الحب والاحباب باسبابك

إبعد..ولي تعليق أو كلمه نهائيه
أبيك تسمعها برواق وهدَ أعصابك

لو جيت يمَي يوم في حاجه ضروريَه
تأكد اني بطردك واقول: وش جابك

ماهي بقصَة حقد وحسابات شخصيَه
وماني قليل الأصل حتى أجرح أهدابك

القصه انك لا رجعت بحاجتك ليَه
مابيك من عيني تطيح وتخسر احبابك
م/ن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدخين آلفتيآت..,,هل هو حريه شخصيه آم دليل آنحرآف,,؟	محمد	احتواء ما لا يحتوى	21	04-12-2009 02:02 PM
ماهي السعادة ؟1	الواثقة بالله	حوار ومنطق	17	04-09-2008 04:43 AM
● °•° ظلموﮘ لجنہ آلتـحگيم يا »« مدرسہ آلشعر »« تصـميم و توبيك و صوره شخصيه °•° ●	الكشات	شغب فرشاة	19	31-07-2008 04:26 AM
تجربه شخصيه .....!!	محمد	حكايات من الوجد	17	26-06-2007 04:16 PM

ماهي بقصة حقد وحسابات شخصيه

صهيل القصيد