| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
01-06-2009, 02:25 PM
| ||||||||||||
| ||||||||||||
لاقلت سهلي يوقف لك الكون احترام  لا رقص جني القصايد وابتدى نظم القصيد وارتفع جو المعانـي وانحبـك در الكـلام بعدوا اقـرب خيـال وقربـوا ابعـد بعيـد واسمعوا شعر(ن) سطابي لين عيّفني المنام شاعر(ن) بأول شبابه طوّع القـاف العنيـد اشهدوله خيرت الشعـار واهدولـه وسـام جابها بيمنـاه يـوم انـه تولّـع بالنشيـد وجنب الزلات والهفـوات ودروب الحـرام عارف(ن) ربه وابوه معلمه راي(ن) سديد جوّد وصاته لجل يبقى الكريم ابـن الكـرام مطابق(ن) اسمه اسم جده ولا يمكن يحيـد عن طريق اللي تسمى به ويبقى لـه امـام دامني لمحمد ابـن نهيّـر اتسمـى حفيـد والله ان ابقى على شموخه وطيبه بالتمـام يا قصيدي اشهد ان هالموقف لشرواك عيد شاقني مدح الرجال اللي بهم محد(ن) يـلام عزوتي ثم تاج راسي محزم الوقت الشديـد لابتي يـا لابتـي ياللـي تظيـم ولا تظـام سهول مجد العز والا قولـو العـز المجيـد يكفي لاقلت سهلي يوقف لك الكون احتـرام لابة(ن) من طيبهـا ربـي خلقهـا للمفيـد في اثرها تلقى كل الناس تمشـي بانتظـام طيبهم مخلوق معهم يسري في وسط الوريد ينطح الماجوب اصغرهم ولو عـاده غـلام جارهم داله وسالي مزبن الجالـي الشريـد المشاكيـل الحلاحيـل الرجاجيـل العظـام كانها بالطيش كم شيخ(ن) غدى منهم فقيد وكانها بالسلم اخذ العلم هم رمـز السـلام قاتلين الروم دون الحق هم سـد(ن) عتيـد عابدين الرب حلويـن النبـا روس الانـام لابة(ن) من فضل ربي كل ما فيهـا حميـد اسمها لوتذكره في موقـف(ن) زال الغمـام لابة(ن) تذكر وتتشرف بها ثـم(ن) تشيـد صفحه التاريخ والعربان تخصيص(ن) وعام بعدها يا افكار شعري ارسلي عبر البريـد السلام اللي يليق بربعـي عاليـن المقـام صافحيهم ع المعزه خـد خـد و إيـد إيـد يا سلام الله عليهـم يـا سـلام الله سـلام وارسلي اول تحياتي علـى ربعـي وازيـد التحيـه للزقاعيـن بتمـعـن واهتـمـام منبع الجود بزمنـا والكـرم فيهـم مديـد طيبهم طيبـاه درع العـز للفزعـه حسـام تجفل جبال وتهيج بحوور ثم تجتـاح بيـد لا تعزوى في علي حر(ن) تضايق ثم حـام وارسلي من بعدها من خاطر(ن) رايق سعيد التحيات لبني عمي هل الصيـت اللـي دام للبـرازات ارفعيهـا و للمحميـد بجـديـد خطي زفيها وللظهـران توقـف باحتشـام وللصعوب و آل محلف تحية(ن) كنها عقيد قومن بحرب(ن) حمى فيها حلاله باحتـدام واعتلي لا لاد سلطان بسلام(ن) مـا يهيـد وارقي يـم (آلاد قبان)بتحيـات(ن) كـرام والسلام اللي في صدري ينجرف مثل الجليد للعبيد وآل منجـل سقتـه بكـل انسجـام يا كبر حظي وانا اسمي اخره اسم(ن) فريد لاد سهل شهمني لا صرتوا للشـده حـزام ولا على كـل القبايـل زود للدنيـا رصيـد تستحق المدح من صنعا الى اطراف شـام وختامها صلوا على الهادي شفيع(ن) للعبيد كثر ما صلوا وسط مكـه تراويـح وقيـام من محمد بن جارالله بـن محمـد آل زيـد يا سلام الله على ربعـي سـلام الله سـلام الشاعر/محمد جار الله السهلي 
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أهميـــة تعليم الطفل احترام الذات | محمد | الوقاية خير من الف علاج | 4 | 07-01-2010 06:38 PM |
| لاقلت سهلي يوقف لك الكون احترام. محمد جارالله السهلي | محمد | صهيل القصيد | 10 | 23-07-2009 08:30 PM |
| إحتيال في قروض ((التسليف ))يوقف 1300وكالة | محمد السهلي | احتواء ما لا يحتوى | 4 | 02-05-2009 07:16 PM |
| احترام الرغبات | خالد00 | احتواء ما لا يحتوى | 4 | 10-10-2008 01:09 PM |
| لك من القلب احترام... | محمد | حكايات من الوجد | 16 | 08-11-2007 08:46 AM |
 |  |
العرض الشجري
