| |
| |
03-02-2007, 12:28 AM
| |||||||||
| |||||||||
<أنسرقت وجلست على بسـاط منتف> العود الأزرق
اليوم ياالربع صار لي موقف على كيف كيفكم البارح طلعت انا والشباب وتعشينا في عمو حمزة .. طبعا ً ماعمري تعشيت في عمو حمزة مع شلة الأنس إلا ويصير لي موقف ودي أعطيكم فكرة عن شلة الأنس .. حنا أربعة .. مشعل مدرس حاسب آلي أهم شي عنده لبسه وشياكته وجواله .. محمد مدرس لغة عربية ماله دخل في الدنيا ومايحب أي واحد شعره زين .. فيصل محامي تحت التدريب دقيق الملاحظة لدرجة انه يقول ليه الإشارة الحمراء يعني وقف .. ليه ماتصير بنية ومحدثكم المهم نكمل السالفة بعد ماتعشينا طلعنا الاستراحة وكملنا السهرة .. وهات ياصقع بيلوت .. صلينا الفجر .. بعدين حركت للشقة .. طبعا ً مثل العادة ليلة الخميس والجمعة مايكون في الشقة الا انا لأن اخوياي اللي ساكنين معي يروحون الـرويضـه مشيت في أمان الله .. وترى تلفوني مقفل .. يعني ماكلمت احد المهم مريت (ميد) عشان اشتري غرض ما .. <<<<<<<<<<< ميد للي مايعرفونها بقالة ماعندهم شغل اربع وعشرين ساعة فاتحين .. شريت الغرض واتجهت للشقة .. دخلت مدخل العمارة إلا الوضع هادي حيل .. لدرجة اني خفت ازعج احد بممشاي .. المهم دخلت الشقة .. إلا هي خاوية على عروشها .. قلت ياولد لاتكون غلطان في النمرة اناظر أدقق إلا والله شقتنا .. بس انها مثل مااستأجرناها قبل ست سنين .. بلاطة رحت ركض على غرفتي .. إلا هي مثل الصالة واللي قاهرني تونا شارين مكنسة كهربائية بذيك الحكاية .. طبعا ً قفلت الأخلاق .. وراح المزح وجاء وقت الجد اتصلت على الشرطة ولاجوني الا حدود سبع ونص .. جاء معهم واحد مقومينه من النوم غصب .. معه ريشه وماعون فيه مويه زرقاء .. وجلس يمشي على البيبان والدرايش <<<<<<طبعا ً هي كلها دريشة وحدة وراحوا .. وهذا أنا أكلمكم من على بساط منزله من السيارة .. وشابك الجهاز .. وطفايتي قوطي بيبسي .. حتى الطفاية ماخذينها .. حتى فيــه قوطي بأيسن مخليه فوق التلفزيون بمزمز عليه وانا على الجهـأز خذوه جعلهم المـاحي ول عــليهم احــد عنده سلف مخده وشرشف << بطـأنيه يــعني .ابــو هـلأأ نزل الموضوع بالجريده يمكــن يقــرا الموضوع احد من المسوؤليــن بالدوله ويقول خذ لك فله هديه من هنا .. اطالب أهل القلوب الرحيمة بالتدخل السريع في الموضوع .. وأجركم على الله .gif "(4)") الـ ع ـود الازرقــ 
آخر تعديل آلعوٍد آلازٍرٍقـ يوم
03-02-2007 في 12:31 AM.  |
|
04-02-2007, 01:33 AM
| |||||||||
| |||||||||
العود الازرق العوض على الله فبما انك خوينا فلازم اوقف معك وقفة رجال واساعدك فبهذه المناسبه اعلن تبرعي السخي امام الملا وهوعباره عن قوطي بايسن جديد هاه وش رايك يكفيك ولا اتبرع بعد وشرشف ماقصرت بمناسبه الطشه تبيع الجوال >>> ابووووك يارخامه الله يرحم وقفات ايام زمان . العود الله يعوضك والعوض من الله ولا الناس جعلك ماتحتاجلهم . بحرالوفا~~~~ ~~~~~~~~~
|
|
04-02-2007, 02:39 AM
| |||||||||
| |||||||||
|
العود الازرق انا مسلفك مركى ليكون سرقوه لكن انت ابن عم ورفيق الله يعينا نبلشبك في شقتنا الاين تجمع التبرعات
|
|
04-02-2007, 06:43 PM
| |||||||||
| |||||||||
| العود الازرق الحمد لله على السلامة زين انهم ماسرقوق براسك وتراك ناسي عندي فراش للبر ابجيبة لك لكن وشلون نسوا الكمبيوتر حقك ماسرقوة |
|
04-02-2007, 11:50 PM
| |||||||||
| |||||||||
| المهم مريت (ميد) عشان اشتري غرض ما .. <<<<<<<<<<< ميد للي مايعرفونها بقالة ماعندهم شغل اربع وعشرين ساعة فاتحين .. اسلم هااااه معروف كمل ههههههههههههههه ههههههههههههه من هنا .. اطالب أهل القلوب الرحيمة بالتدخل السريع في الموضوع .. ابشررررر والله باللي تبي ليلتين في الشيراتون على حسابي وش تبي بعد بفلل سيارتك بنزين 91 عندي فرشة بر بلاستيك تنفع والله يعوض عليك
|
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شجرة العود استخراج دهن العود... | محمد | احتواء ما لا يحتوى | 7 | 25-03-2009 03:07 PM |
| رجل تحول إلى اللون الأزرق! | محمد | الوقاية خير من الف علاج | 16 | 02-05-2008 12:46 AM |
| الماء الأزرق أو الجلاوكوما | محمد | الوقاية خير من الف علاج | 18 | 03-03-2008 10:47 AM |
| العود الأزرق | محمد السهلي | مرفأ البداية وروح التواصل | 7 | 03-12-2006 11:42 AM |
 |  |
العرض المتطور
