| |
  |
 |
| |||||||
| احتواء ما لا يحتوى للمواضيع التي لاتندرج تحت اي قسم |
| | LinkBack  | أدوات الموضوع | إبحث في الموضوع | تقييم الموضوع | انواع عرض الموضوع |
| |
12-04-2009, 01:36 PM
| |||||||||||
| |||||||||||
رد: مكتب العمل بعين حامل الماجستير مدبر مطعم!!
< 122 اخوي * خذ جنسيه كنديه ورح لكندا وشف وين بيعينونك واذا اخذت الدكتوراه عندهم شف وش بتصير وبعدها تعال لوزاره العمل واتفل في وجيههم.ارفع راسك انت سعودي؟اه يادنيا العجايب؟ ام يزيد 11:55 صباحاً 2009/04/12 ابلغ عن هذه المشاركة 123 السلام عليكم و رحمة الله و بركاته انصح اخواني الشباب بدراسة الهندسة الكيميائية او الكهربائية او الميكانيكية اذا ارادو "بعد اذن الله ضمان الوظيفه" بشرط المعدل يكون معقول يعني لا يقل عن 3.5 من خمسة لطلاب جامعة الملك سعود والشي الثاني تكون اللغه الانجليزية جيده واول شركة راح تقبلكم في الرياض هي سابك و مجالات العمل في المنطقه الشرقيه و الغربيه خاصة للمهندس الكيميائي كثيرة جدا بس "المعدل" حاولو لا يقل عن 3.5 بعدين انا خريج جامعة الملك سعود والله اي واحد يشد حيلة شوي والله يجيب اكثر من 3.5 Servant of God 11:58 صباحاً 2009/04/12 ابلغ عن هذه المشاركة 124 احسنت لنشر الموضوع وياليت كنت نشرت صوره خطاب الوظيفه. قصادي علي دباء 12:02 مساءً 2009/04/12 ابلغ عن هذه المشاركة 125 وفيه مجال ثاني كويس و هو المجال الطبي والله انا ما انصح احد يدرس طب لانك بعد التخرج راح تشتغل اربعه و عشرين ساعه و مناوبات و اتصالات الممرضات و الممرضين بانصاف الليول, يعني ما تصلح. بس فيه مجالات حلوه مثل التمريض او اخصائي تنفس او اشعه و المجالات كثيرة بس يكون مره ثانبة المعدل كويس عشان تقدم سيرتك الذاتية وانت واثق من نفسك...لا و تصكها في وجيههم. Servant of God 12:02 مساءً 2009/04/12 ابلغ عن هذه المشاركة 126 سافر هاجر ودع السعوديه وهناك بيعزونك وبتعز نفسك وبيرفعونك فوق سابع سماء الاجنبي في السعوديه راتب 15000 ريال وبدل سكن راتب 3 شهور وقضاء اجازة الصيفيه في الخارج لكنك سعودي مستحيل تتوظف وترتاح في بلدك غير جنسيتك واذا كانك وطني شف سوق الغنم جمب الحراج اختر واحد منهم اشتغل فيه ولا شف مطعم قريب من بيتكم تعين عندهم عامل غسيل صحون هذا اذا وافقوا المفروض يتم تعيينك ضابط لكن لا حياة لمن تذكرنب بأغنية تنادي ناديت وناديت وكمآ صوت نادى صوت ابوفهد الزعفراني 12:07 مساءً 2009/04/12 ابلغ عن هذه المشاركة 127 التمريض. والله المجال ذا رائع. زوجتي الله يخليها لي, معها بكالوريوس تمريض من جامعة الملك سعود وكانت سنة الامتياز لها في مسنشفى التخصصي الرياض. وتوظفت في التخصصي, وكان الدوام 12 ساعه طبعا رفضت العمل في شفت الليل و تقبلو الوضع و كان اول راتب لها 15 الف ريال. صح الدوام طويل بس بعد 5 سنوات من الخبرة او اذا كان معك ماستر تترقى و تكون head nurse و عندها الدوام بيكون 8 ساعات من السبت للربوع. اخيرا, المشكلة ان اغلب صديقات زوجتي الممرضات ما تزوجو للحين بسبب النظرة السيئة للممرضه السعوديو و الاختلاط Servant of God 12:10 مساءً 2009/04/12 ابلغ عن هذه المشاركة )">128 البلد هذي فيها الخير والعز والأمن والامان و عيبها الوحيد ان مافيها وظائف انا عمري25 وكان عندي طموح اني اكمل دراستي بس ماعندي فلوس اصرف علي نفسي جلست بالبيت احاول اتوظف عشان اكمل الدراسه مع ان شهادتي زينه ثانوي علمي والنسبه 87 وانا 6 سنوات وانا اعاني ومزلت اعاني واللحين مابي من الدنيا غير ان لله يرحمني برحمته والمشكله حتى لو تتوظف راح تصرف علي اهلك يعني لأن اخواني كلهم مافيهم ولا واحد متوظف وابوي اولهم يالله انك تعين وترحم الحال وتعين الي مثل حالتي واصعب ولا نشوف واحد عاطل نواف 12:11 مساءً 2009/04/12 ابلغ عن هذه المشاركة 129 عزيزي الاخ (نواف) خيرنا لغيرنا ابوفهد الزعفراني 12:21 مساءً 2009/04/12 ابلغ عن هذه المشاركة 130 تبوون الصوق ياا اخواني غازي القصيبي مجرد كذبه ووهم وبقوول لكم شي ان 80%من الشعب السعودي يعاانون من حالات نفسيه اخوي فهد ردد حسبي الله ونعم الوكيل النادر 12:26 مساءً 2009/04/12 ابلغ عن هذه المشاركة 131 اقول كبر الوسادة وريح نفسك مافية وظايف! تكفى ماتدلني على المطعم يمكن التوظف عندهم محمد العلوي 12:35 مساءً 2009/04/12 ابلغ عن هذه المشاركة 132 ه شر البليه مايضحك اخوي فهد انا عندي محل يطلع بالشهر الف احيانا واحيانا يصل الي الف واربع مائه ريال ارسلوا لي مكتب العمل موظف سعودي على ان اعطيه راتب 1500 وانا الان محتار اشلوون اوفر له راتبه اتسلف علشاان اعطيه راتبه قررت ان اقفل المحل واقعد عاطل ابرك وطناوي لنحاع 12:55 مساءً 2009/04/12 ابلغ عن هذه المشاركة 133 الوظائف يا مواطن في كل مكان، والرواتب ممتازة واكثر من الحاجة، أكيد أنت مريض نفسياً !! هل لديك أقوال أخرى ؟؟!، لايوجد ! إذاً سوف يتم ترحيلك لمستشفى النفسية. وإذا تسكعت في الشارع أو مديت يدك على مال أحد سوف يلقى بك في السجن. إختار إما السجن أو مستشفى النفسية ؟. مسفره 12:59 مساءً 2009/04/12 ابلغ عن هذه المشاركة 134 لا تسألن بني ادم حاجة. وسل الذي ابوابه لا تحجب... الله يغضب ان تركت سؤاله... وبني ادم حين يسال يغضب... عمر 12:59 مساءً 2009/04/12 ابلغ عن هذه المشاركة 135 المشكله يا اخي الفاضل ماهي بالتخصص ولا بالدرجه العلميه و لو على التخصص بالعكس علم النفس مجالاته التوظيفيه كثيره ومهم جدا في جميع القطاعات فتجده مطلوب بالقطاع الصحي والعسكري والتعليم والشركات والتحقيق واعرف اكثر من شخص معاهم بكالوريوس علم نفس ومجلسم على طول توظفوا لكن المشكله تكمن بالشروط التي تضعها الوزارات فتجد ان التربيه تطرح وظائف بشكل سنوي لتخصص علم النفس بالارشاد ولكن تشترط شروط ومن ضمنها الخبره وكذلك وزارة الصحه التي حبطت معنويات كثير من الطلاب فلجؤ الى دراسة الماجستير واخيرا اقول لاتيأس عدو اليأس 01:04 مساءً 2009/04/12 ابلغ عن هذه المشاركة 136 والله صراحة قصة غريبة, أنا ما أعرفك بس يمكن أسلوبك بالكلام مخليهم يرفضونك, فيه شباب يجيك معاه شهادة وشايف نفسه فيها وعلى باله إنه يبي يتوظف بالمكان اللي يبي, إذا كنت كذا احترم الناس وترا منت الوحيد اللي معاه ماجستير وبتخصص مثل تخصصك وخل أسلوبك لبق الناس تحترمك Lovelorn 01:12 مساءً 2009/04/12 ابلغ عن هذه المشاركة 137 عندي سؤال لغازي القصيبي ومن على شاكلته هل تسمح لأبنك ان يتوظف بمطعم او مؤسسه مقااولات لا ترد بأن ابنك يحمل شهادات فهذا فهد يحمل ماجستير وجهتووه الي مطعم اين انت من الوطن ياغازي بلندن او بباريس اقل مافيها يكون توجيه الاخ فهد ومن مثله الي شركات كبرى دخلها السنوي بالملايين مو محل دخله الشهري الفين حسبي الله ونعم الوكيل جوهره ندره 01:15 مساءً 2009/04/12 ابلغ عن هذه المشاركة 138 المشكلة الحين ان كثرة الخريجين من بلدنا بدون وظائف صدقوني اننا راح نصير زي بعض الدول اهم شي يكون عندنا سيارة وشقة وربنا يعوض علينا معتز 01:16 مساءً 2009/04/12 ابلغ عن هذه المشاركة 139 صدقني الله معك. فهد العنزي 01:18 مساءً 2009/04/12 ابلغ عن هذه المشاركة 140 الى الاستاذ فهد العنزي مع التحية عقبال مايحطونك مكان غازي القصيبي وزير للعمل والعمال ان شاء الله من طلعت على الدنياء وغازي القصيبي وزير للعمل والعمال وسعودة وسعودة وهاذي النهاية ... الوافي آخر تعديل محمد السهلي يوم
12-04-2009 في 02:51 PM.  |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فتح باب القبول في إيفاد المعلمين لمرحلتي الماجستير والدكتوراة | ابو نـــmkـــواف | رسالة العلم والتعليم | 4 | 30-11-2009 05:23 PM |
| الماجستير لبندر المحسن | صاحب المعالي | أخبار الرويضة | 10 | 15-08-2009 03:17 PM |
| لتخفيف الزحام عن مكتب الرياض ..افتتاح مكتب العمل في القويعية | ابو نـــmkـــواف | احتواء ما لا يحتوى | 4 | 15-02-2009 09:17 AM |
| امي بعين واحدة ! | ابو طارق | حكايات من الوجد | 3 | 11-05-2008 03:00 AM |
| سالم الدوسري يحصل على درحة الماجستير | عبدالرحمن الدحملي السهلي | احتواء ما لا يحتوى | 7 | 07-02-2008 10:53 PM |
 |  |
العرض الشجري
