| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
28-03-2009, 09:14 PM
| ||||||||||||
| ||||||||||||
حضر زواج حبيبته وقال للعريس ..؟؟   أبد .. ما جيت ابارك ولكن جيـت باوصّيـك على اللي ناوي ٍ تدخل بهـا الليلـه .. مُعذّبْتـي . ترى لولا الظروف اللي عطتْك وحدّت محاكيك قسم بالله ما تدخل عليهـا لـو علـى رْقبْتـي . ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي . كذا شاءت بنا الأقدار تحرمني لجـل تعطيـك كذا لازم عشان تفوز إنت .. أخسر بتجربْتـي . تراها غاليه جـداً .. وتكفـى .. والله يخليـك تـدللها .. تدلعهـا .. تنسّيـهـا مصاحبْـتـي . أنا من كثر ما اغليها أحس اني بديـت اغليـك ولا تسـأل بأيّـة حـق ولا ّ وش مناسبْـتـي . لإنك لو بتسألني بتسمع شـيء مـا يرضيـك لذا ياخـوي لا تسـأل ولا تسمـع لأجوبْتـي . أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي . فداعبها شوي شـوي حتـى تشتهـي طاريـك وشاغبها إلين تقـول لـك: بطّـل مشاغبْتـي . واذا هي مالها خلقك..ولا تضحك ولا تسلّيـك تحمّلها وإسألهـا: يـا عمـري ليـه عصّبْتـي . وبالك اسمع انّك يوم تضربها وهـي تشكيـك ما يحتاج اورّي لك بفـن الضـرب موهبْتـي . صحيح انك بتملكها ومعـك الصـك بالتمليـك وانا عارف حدود الله ومـن حقـك معاقبْتـي . ولكن قلّها المجنـون وصّانـي وهـو يعنيـك يقول انّـه بينتظـرك ولـو شيّـب وشيّبْتـي . وانا مجنونها اللي ما نساها وانت مـا يمديـك تغطّي ذكرياتي في هواها.. وربْـع تجربْتـي . أحس اني تماديت بكلامي.. والغضب حاديـك ولو انّك في مكاني ما تفكّـر فـي محاسبْتـي . كفاك اني تركت الليله اشغالي عشـان اجيـك دخلت القاعه برجلي ولا ادري ويش عاقبْتـي . وانا ما جيت اخرّب عرسك الليلـه ولا أذّيـك أنا جيتك عشان اخاطبـك واسمـع مخاطبْتـي . توصّى..وانتبه.. واحرص عليهـا والله يهنّيـك ترى كل الكلام اللي طلَع من ضيقـيَ وكبْتـي . ولكن ما قدرت انّي أقوله وانـت مـا يخفيـك أخاف انّـي إذا قلتـه تقـوم وتقطـع رْقبْتـي مما راق لي طرحته بين أيديكم .. ودمتم سالمين ..!  
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غمز لي وقال: { محلوه يآحظ اللي يحبونك... | اسايرها تعاندني | صهيل القصيد | 12 | 06-11-2009 11:24 PM |
| شاعر يحضر زواج حبيبته ويلقي قصيدة للعريس | محمد | صهيل القصيد | 16 | 28-08-2009 12:51 AM |
| قصيده لشاعر حضر زفاف حبيبته | عبدالله الضويحي | حكايات من الوجد | 11 | 25-03-2007 03:52 PM |
| يوصي اخوه يتزوج حبيبته .. | آلعوٍد آلازٍرٍقـ | حكايات من الوجد | 9 | 14-01-2007 09:28 PM |
 |  |
العرض الشجري
