ســــــر الخطوط في اليدين . !!!!

#17 (**permalink**) 23-03-2009, 04:16 PM

انا عآد وحدة من يديني فيها عشرة والثانية عشرين << اوب هلآلية

أول شي مشكور أخوي على هالحماس الحلو ..

الشي الثاني المفروض أننا مانحرص على هالاشياء الصغيرة عشان نثبت عظمة الله سبحانه

أضرب لك مثال ..

الشيخ ابن عثيمين الله يرحمه وجميع أموات المسلمين , عرضوا عليه مثل هالأشياء

يعني صورة بطاطسة مكتوب عليها الله , والا صورة شجرة ساجدة , والا صورة صحاة صايمة

قالوا له وش رايك ياشيخ ؟

تدري وش قال الشيخ ؟؟!

قام على هالصور وشققها وقال هذا جوابي ..

يمكن أنت الحين تقول ليش الشيخ سوا كذا ؟ يعني هاذي أشياء نقدر نقوي فيها إيماننا .

أقولك ..

والله مره واحد نصراني رايح للبقالة يتقضى لبيته .. حلو ؟؟

وكان من المقاضي بطاطس

يوم جاء للبيت فقش البطاطسة .. وشاف شي مذهل !!

وش شاف ؟!!

شاف البطاطسة مرسوم عليها صورة صليب !!!

تقدر تقول ان دينهم حق وأن هالبطاطسة هي اللي تبي تثبت دين ؟؟

طبعآ لا ..

هذا شي ..

الشي الثاني ..

أن أغلب هالمعلومات مصدرها النت .. وأغلبها خرآط ونصب ولعب بالفتوتوشوب

أضرب لك مثال أنا شفته بنفسي محدش ألي ..

مرة دخلت منتدى ملاحدة .. يعني لا دينين ..

وكان واحدن منهم طارح موضوع .. أن وده يسبب بلبلة بين المسلمين ومايدري وش يسوي ..

فقام كل وااحد منهم يعطيه فكرة .. وكانت وش فكرتهم ؟!

قالوا نبي نقول أن أحد العلماء كان عنده جهاز يكشف الموجات .. وكان حاطه على أحد النباتات

وهالعالم لاحظ تشكل موجات غريبة في الجهاز .. يوم بحث وناظر ..

لقى هالنباتات تسبح الله ..

سبحان الله ..

وقاموا نشروها في المنتديات .. وانتشرت بشكل خرافي ..

لدرجة أني وربي شاهد علي قريت هالخبر في أحد المجلات المحلية الاسلامية

وكانت هالمجلة تقول شوفوا عظمة الخالق !!!

يعني ضحك على العقول عيني عينك

تدري ليش هم يسوون كذا ؟

يبون يقولون أنكم يالمسلمين تصدقون أي شيء ينقال لكم ..

وشي بعد شي يبدون يشككون في القرآن والسنة ..

أدري أني طولتها وهي وقسم اوب قصيرة ..

بس حبيت أوضح هالشي وأنبه عليها

وأتمنى أنك ماتزعل وتتقبل بصدر وسيع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لجمال ووبياض ونظافة اليدين	غير البشر	الأزياء و الأناقه	10	27-12-2009 04:43 AM
ألم اليدين المرتبط بالكمبيوتر	افشكو	الوقاية خير من الف علاج	8	07-10-2008 11:44 PM
نقش الحنا على اليدين	صعب المنال	الأزياء و الأناقه	10	15-09-2008 01:58 AM
لتنعيم اليدين..	محمد	الوقاية خير من الف علاج	12	08-06-2007 03:24 AM
تذكــرة ســفـــر ولــكن إلى أين؟؟؟	السفير	روحانيات	6	04-12-2006 10:47 PM

ســــــر الخطوط في اليدين . !!!!

احتواء ما لا يحتوى