مجالس الرويضة لكل العرب - ((((((( مــــحــــــاور ة مـــــــن نــــــــوع ثــــــــانــــ ي ))))))

هذه محاورة جرت قبل يومين بيني وبين الاخ المدعو ( الحظ ) وهي عبارة عن سيناريو يغلب علية طابع النكتة الممزوج بروح الفكاهة وارجوا ان تنال هذه المدعبة اعجاب اذواقكم ومسامعكم !!!!! بداية الطاروق من عندي !!!!!!!!!!

انا :

ياحظ وش فيك طايح صار لك مدة !!=مغير في الوقت تضحك بي (وتوميبي) !!
انا دخيلك من ( النكبات ) والصدة !!=ارجوك وقف وحقق لي ( مطاليبي ) !!

هو :

اذيتني ياسعد والارض ممتدة=تبغاني اقوم وهرف كني الذيبي !!
والله لبهذلك والهجمات مرتدة=وكب عفشك قبل تاقف و تغزيبي !!

انا :

( المحترم ) ماطمر حدودي على حدة=وانته ( سنافي ) واظنك تفعل الطيبي ؟؟
ابغاك ( تفزع ) معي في ساعة الشدة=وابغاك تفزع معي قدم ( الرعبيبي ) !!

هو:

لو تسبح البحر في جزرة وفي مدة=لاتتعب الرجل!! والدنيا مكاتيبي !!
خل الغنادير للي راسة يكدة=للي خدودة !! مانشتها الواهيبي !!

انا :

طيب وش الحل والصفحات مسودة=ان كان تنفع معك بعض ( الاساليبي )!!
ابغى من البورصة ( مليون ) وردة !!=لين اضبط الوضع وتزين المشاريبي !!

هو :

اليا انفتح باب !! قدمك لازم اسدة !!=لو ؟ صرت تاجر تروح ولانت داريبي !!
يمكن ( تكبر ) وتطلع شخص من قدة !!=وبلش بعمري ولاالقى لي ( معازيبي ) !!

انا :

يالقطه ( غليص ) ناصيني من البدة=تبغى تطبق معي درس وتجاريبي !!
ابوك فارق ودور واحدٍ كدة=واعطيك مصروف خمس سنين !! من جيبي !!

هو :

حاولت ادور على ( هامور ) وضدة !!=واسحبة لين يكسي راسة الشيبي !!
فشلت في التجربة ثم جيت ( بالعدة ) !!=ونزلت ( عندك ) ولالي عنك تجنيبي !!

انا :

الصبر موجود والايام منلدة=اخفي همومي ويامقرب ( محاضيبي )!!
يالعنبو راس ابوك ولعنبو جدة !!=مغير ( جودك ) على بدع الهناديبي !!

هو :

( الضيف ) له حق من جزل الشحم غدة !!=لازم تجمل وترهي في التراحيبي !!
كم واحدٍ فوق راسه بيته نهدة!!=وكم واحد صيدته !! بين المخاليبي !!

انا :

يالضيف الاقشر عساك الجوع والغدة!!=ياجعل يسقى ليا عزمت بتغيبي !!
عجل ترى ( الضغط ) عندي واصلٍ حدة!!=حاول تغادر بسرعة !! دون ترتيبي !!

هو :

بيني وبينك علاقة حب ومودة !!=معك على طول لين انك تهذريبي !!
ابعد تراني عشقت ( النوم ) !! وودة=ولا نيب قايم !! لو تشيل ( المشاعيبي) !!