| LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |||||||||||
رد على قصيدة الشاعر بن قضعان ..الهنوف الي سـرت من نجــــد السلام عليكم ورحمة الله وبركاته رد على قصيدة الشاعر ضيدان بن قضعان الهنوف الي سرت من نجد وامست بالحويه الهنـوف اللـي تداعبهااللحـون السامريـه منوة العشاق ياضيدان تمشـي فـي هواهـا وانت ياقيس الهوى شالتـك ليلـى العامريـه يوم شفت الناس تبدي غيضها جيت اتحداهـا غلطة الشاطر بعشر وغلطتك ماهـي غبيـه مبتدا الدعـوى بيـدك وعندغيـرك منتهاهـا البشر قامت تحلـم يحسبـون الشمـس فيـه مادروا عن خطوة(ن)يعرف ثمنها من خطاها والطموح اللي سرت مسرى المزون العقربيه لاتخطب الإ أختها لوتعجبك بنـت اقصراهـا يختلف وجه الشبه ما بين ذيـك وبيـن ذيّـه ما يفرق بينهن يـا كـود مـن يفهـم نباهـا لاتجازيهـا بحسـنـه لاتجازيـهـا بسـيّـه خلها تجلس علـى مقدارهـا بيـن اقرباهـا لاتجي مابين حـد السيـف والا الحضرميـه انتبه من غلطة(ن) يدفـع ثمنهـا مـن بداهـا وانت ذيب(ن) يعرف الرعيان ويعرف الرعيه من يشب النار يجذب يمـه السـاري سناهـا لاتخاف الا من الغشـاش ابـو نيـه رديـه انتبه مـن نيـة الجاهـل ليـا منـه نواهـا واحد(ن)ماينطـح اهـل الخيـل لوبالبندقيـه بندقـه لوشالهاللقـوم ثـارت فـي خبـاهـا والضعوف اضعوف مايستاهلـون المقدريـه والرجال اشنابها وقت الطلب تحمـا لحاهـا ياعدو القـوم ...ياراعـي العلـوم الاوليـه العلوم اللي على وضح النقا ماحد(ن)غواهـا لايهمك مـاورى النفـس الفقيـره والغنيـه بالشدايد ينعرف جـود الاوادم مـن رداهـا مايبيّن حكمهـا بيـن الضحـا والا العشيـه عادة الايام ......والايام مدرجّة(ن) رحاهـا من هجوس الشعرخاويتك بهجسي والحضيّـه النوايا الصادقه ماخاب في الطيـب رجاهـا نجدتنظرللحجاز ¤¤ وشـددت قبلـك طميـه عان مقلعها وجرتهـا وربـك مـا ماحاهـا وان محت جرت طميه جزت من كل القضيه والذيابه في الجبال الشاهقه يجـذب اعواهـا لاترجعنا علـى وقـت الجهـل والجاهليـه وانت في وقت(ن) يبذ النفس ويبيـح خفاهـا ودنـا ننفعـك نفـعـه شاذلـيـه شاذلـيـه والله ان اوجيهنا ل ادخيلنـا يـذري ذراهـا في نهار(ن)يطلب الفزعه خويا مـن خويـه من رجال في الطلب شرواك مايقصر مداهـا كـل طيـب حاسبيـن لروحتـه والا مجيّـه عندنايسوى البحور السبـع ودررهـا وماهـا لعنبوا من يرخص المقدار مع سـرج العبيّـه قلتهـا واقولهـا واكـرم اذا غيـرك نساهـا ونجـد ماهـي نرجسيـه يعربيـه يعربيـه ماتناظر للهدا وطويق يطـرخ فـي حماهـا وعاشق(ن)ماورد العشقه على حوض المنيـه مانلومـه لوتركهافـي مـكـان ولالقـاهـا كل عاشق عشقته عنده لهاأوصاف(ن) بهيـه امنياتـه خطبتـه والفاتـحـه معهاقـراهـا قطعة الساقي خطا من دون الاوراق النديـه انقطع عقب الروى وشلون تشرب عن ضماها امنياتي لـك تعيـش الحـب وايامـك هنيـه لين تكسب راحة النفس الشقيه عـن عناهـا مااحد(ن)لايمـك لواعطيتهـا قلبـك هـديـه عاشق(ن)مايكرم العشقّه يجنب عـن نحاهـا ومايقلل من مقام اهل الوفـا واهـل الحميـه غيرخبل(ن) ماهـدم بلـدان قـوم ولابناهـا وانـت تفهمهـا ولاتخفـاك يازبـن الونيـه مايغرك في زمانـك مـر دنيـاك وحلاهـا ودام ياضيدان تعمل تحـت حكـم الداخليـه لاتروح تطـرد الثنتيـن ماتمسـك عصاهـا والختام بطيـب عـود ازرق وبريـه نقيـه لعنبوحي القصايد وش وراهـا وش وراهـا
|
| |||||||||||||||||||
رد: رد على قصيدة الشاعر بن قضعان ..الهنوف الي سـرت من نجــــد
لعنبوا من يرخص المقدار مع سـرج العبيّـه
الشاعر سلمان الحافي صح لسانك وش بقيت ما قلته اشهد انك شاعر صح لسانك بنت كول والله لا يخلينا من القصائد الجميلة
|
| |||||||||||
رد: رد على قصيدة الشاعر بن قضعان ..الهنوف الي سـرت من نجــــد |
| ||||||||||||
رد: رد على قصيدة الشاعر بن قضعان ..الهنوف الي سـرت من نجــــد |
| |||||||||||
رد: رد على قصيدة الشاعر بن قضعان ..الهنوف الي سـرت من نجــــد |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هزك الشوق قصيدة الشاعر ضيدان بن قضعان | محمد | صهيل القصيد | 16 | 08-03-2010 04:37 AM |
قصيدة الشاعر سيف بن مهنا في مدح السهول على اليوتيوب | مايكبرني لقب | نشيد الروح | 22 | 29-09-2008 11:08 AM |
قصيدة في مدح الشاعر / محمد بن سيف بن نصار السهلي | مسلط العتيبي | نشيد الروح | 11 | 05-09-2008 11:11 PM |
قصيدة الشاعر محمد بن لعبون في (مي) | محمد | صهيل القصيد | 6 | 08-04-2008 08:20 PM |
مرئيه // قصيدة الشاعر بدر بن عبدالله الخالدي | محمد | نشيد الروح | 12 | 19-01-2008 07:48 PM |