قصيدتي في رثاء والدي رحمة الله عليه

عيني قزت من لذيذ المنام=والناس لا نامت جفاها النوم
من فقد شيـخ عزيز المقام=ينشاف فعله بحزات اللزوم
اليعربي من خوال ومن عمام=الحاتمي لا هزل بذل الرخوم
مرحوم يانسل الاجواد الكرام=ياواصل الرحم ياذرب العلوم
مرحوم يالوافي الحر القطام=يافاعل الطيب ياراعي السلوم
مرحوم ياكافل ضعوف ويتام=يمناك للخير ما والله تشوم
ياخشع في صلاة وفي قيام=ياداعي في صلاة وعقب صوم
يا مبعد عن مداهيل الحرام=صيتك تعلى السحايب والنجوم
ياللي بربعك مثل وصف السنام=قـرم تعلى زحازيح القروم
عليك دمعي مثل وبل الغمام=والقلب في داخله حزن وهموم
ياعل قبراً وسط حي السلام=يغفر لراعية رحمن رحوم
ويكسي ترابه نفل وخزام=وطيور الأغصان فوقه تحوم
ناديت ريان في وسط الزحام=كني من الحزن ضايع ومحروم
لو البكاء ينفعك مابه ملام=لا بكيك يـوم وراء يـوم ويوم
الموت حق ولا فيها كـلام=مأحد على ظاهر الدنيا يـدوم

	المشاركة الأصلية كتبت بواسطة بقايا جروووح

	قصيدة رائعه اخووي السيف الله يرحم والدك ويدخلة فسيح جناتة لاهنت

	المشاركة الأصلية كتبت بواسطة ܓ.¸t.u.r.k .e¸.ܓ

	اخوي السيف صح لسانك علي المرثيه والله يرحمه ويغفرله