جبـــــــــرك الـــوقت ترجع لي ..

#1 (**permalink**) 30-11-2008, 04:00 PM

هالقصيــــــده أعجبتنـــــــــ ي ..

وحبيت انكم تشاركوني في الاستمتاع بقرائتهـــــا ..

جبرك الوقت ترجع لي .. جبرك وجيتني ندمان
دمرك الشوق ياخاين وجيت تسابق ظلالك
عرفت الحب بغيابي.. عرفت انك معي غلطان
تأكد..مايشرفني طريقن دربه وصالك
تبي اخضع لجل عينك؟ وانا ما اخضع مهما كان
اقص الراس قدامك.. ولا اخضع لامثالك
لعبت بحسبة جروحي..وكتبت من الحزن عنوان
نسيت اللي يحبك موت.. وصار الغير يحلا لك
اذا غيري تبي قربه..وصرت فبحره الغرقان
نصيحه.. لايموت الحب..ومن قلبي هنيالك
نسيت انك تبيع الحب..وتجزا الطيب بنكران
لعلمك..بانت الصوره..وبانت نية افعالك
تشب النار في قلبي..وتنسى اني معاك انسان
تخالط بالشقا هيلك.. وصب الهم فنجالك
تبي قربي؟ انا حاضر .. ولكن باطلبك من شان
تشوف شلون لي عزه ترد الجرح لاشكالك
ابي تبكي على شاني..ابي تصرخ من الحرمان
لو اني باخر الدنيا..ابيك تجر موالك
ابيك تصير مجنوني ومن شافك يجي شفقان
يقول شلون؟علمني؟وش اللي غير احوالك؟
ترى "هتلر" بعد مجده..تخلو عنه الالمان
وانا من بعد حبي لك.. تركتك تقعد لحالك
تدل الدرب من دوني.. وقدامك سكة الاحزان
توكل..لاتناديني ..ويعين الله على حالك
وانا..يكفيني دليتك وحديتك على الهجران
تقول الموت من بعدك.. واقول هناك اشوا لك
غسلت يديني من حبك..وابرحل واهجرك يافلان
فمان الله.. وباقي لك نصيحه وخلها قبالك
ترى من يضحك الاول.. مصيره باللعب خسران
وانا من يضحك الثاني.. عشان "احطم آمالك" ..

عااااااااااد الله الله بالردووود ..
ودمتم بود ..

#2 (**permalink**) 30-11-2008, 06:11 PM

الله روعة روعة روعة

قصيدة رايقة حيل ..\ تسلم يمينك ياربي

بإنتظار جديدك المميز ...\ وحياك الله خالدية والنعم فيك والله

تقبلي مروري ...\

همس الشفايف

#3 (**permalink**) 30-11-2008, 07:25 PM

همس الشفايف .. الله ينعم بحالك ياقلبي .. القصيده رائعه ولكن الاروع مرورك .. تسلمين ..

#4 (**permalink**) 30-11-2008, 07:28 PM

تبي اخضع لجل عينك؟ وانا ما اخضع مهما كان
اقص الراس قدامك.. ولا اخضع لامثالك
لعبت بحسبة جروحي..وكتبت من الحزن عنوان
نسيت اللي يحبك موت.. وصار الغير يحلا لك

- خالديه كووووووول - اختيار موفق