برد الطويلين؟؟؟؟؟؟؟ ؟

لاجفاني في هوى بـرد الطويليـن الـذرى=مايدفينـي لهـب نـارٍ بجوفـي تصطلـي
كلها سبة فراق اللـي علـى فكـري طـرا=صاحبً مقفي وذكـره دايـم يعـود علـي
والهجوس استوطنت فكري وأناأسمع وأرى=أحمضن في نظـم قيفانـي ووردن منهلـي
أصبح بقاعة كرا وأمسي علـى قمـة كـرا=من هجوسن تضرس اضراس المحالة بالدلي
صاحبي مرتعك في قلبي قفر وأرضه مرى=مابـه الدايـج ولاالطايـر ولامثلـه حلـي
محتميـه لجيتـك لوكـل مدهـر بــه درا=ولو سمحنا للعسوس إن كان مبطي ممتلـي
فيه من وسميتـك عشـبٍ عروقـه بالثـرى=واصفقه برد وهجير ويطمع بوصلـك ولـي
كل مابرقك سرا يضوي معـه ليلـي سـرا=يالله بريـح الحيـا والبـرق ضـوه ينتلـي
جاء مع القبلي خيـالٍ للسقيـا بـه حـرى=وأجنبـت بـه نكبـةٍ خلتـه عنـا ينجلـي
ولالقى هكالدفيـن اتبـوع والعـود انبـرى=مثل شوقي للوصال المنقطـع وأنتـه ملـي
اقرب اقرب شوف مرباعك من الحدب وورا=لايصير بخطو دام من الشقـا ماهـو خلـي
ياربيع القلـب حنابالهـوى صرنـا اخشـرا=مااعرف بالحب غير إني أنالك وأنـت لـي
غير دارك لوضفا المخضار في كل القـرا=مارغبتـه لوزبيديـه كبـر راس الطـلـي
مايأثر بي كلام اللـي علـى وضعـي زرا=المحبـة كلهـا بلـوى وأنـا بـك مبتلـي
لكن ارفق بالجفون اللـي محاربهـا الكـرا=ماجـداي الا القصايـد بالطويـل المعتلـي
صاحبي ياصاحبي اسمعنـي وركـز تـرا=بالمثـل مالحـب إلا للحبـيـب الأولــي
وأنته معرض هبوب شبـاط قلـبٍ ماضـرا=للجفا.. ولا أستفيد إن قلـت ياربعـي هلـي
ولايفيـد الشعـر لكنـه يوضـح مـاجـرا=أكتبه .. وأطرب لبدعه وانبهـر بالأجزلـي